ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پکتیکا کې د غواګانو پوستکي ناروغۍ ضد واکسین کمپاین پیل شو

پکتیکا کې د غواګانو پوستکي ناروغۍ ضد واکسین کمپاین پیل شو

author avatar
13 May 2023 - 19:28
پکتیکا کې د غواګانو پوستکي ناروغۍ ضد واکسین کمپاین پیل شو
author avatar
13 May 2023 - 19:28

ښرنه (پژواک، ۲۳ غویی ۱۴۰۲): د پکتيکا مسوولین وايي، په دغه ولايت کې لږ تر لږه پنځوس زره غواګانو ته د پوستکي ناروغۍ ضد واکسین کمپاین پیل شو.

د پکتيکا د کرنې، اوبولګونې او مالدارۍ رئیس مولوي ذبیح په دې اړه جوړو شوو مراسمو کې وویل، د غواګانو د پوستکي ناروغي له تېرو څو کلونو راهيسې پیدا شوې چې له امله یې ګڼ شمېر غواګانې مړې شوې دي.

هغه زياتوي: «په پکتيکا کې د دې ناروغۍ د تدواۍ لارې چارې نه وې، خو اوس مو د دې ناروغۍ مطابق واکسين راوړی چې د پکتیکا په ټولو ولسوالیو کې به له ۵۰ زرو نه تر ۶۰ زرو څارويو ته ولګول شي.»

د پکتيکا د مالدارۍ چارو آمر محمدزمان وویل: «موږ ته د غواګانو د پوستکي ناروغي شکایتونه زیات وو چې د کرنې او اوبو لګولو له وزارت سره مو شریک کړ. هغوی د خوړو نړۍوال پروګرام FAO مؤسسې په ملاتړ د Lumpy skin Disease  ناروغۍ لپاره واکسين راولېږه.»

د هغه په خبره، تېر کال په پکتیکا کې سلګونه غواګانې له دې ناروغۍ مړې شوې دي او کوم واکسین چې د ځینو خلکو له خوا په سیمو کې وېشل کېده، سم نه و.

د پکتیکا مرستیال والي مولوي مخدوم عبدالسلام سعادت وویل، په هغه اندازه چې د مالدارۍ ساتنې ته اړتیا ده نو دومره پاملرنه ورته نه ده شوې، غواګانې او ټوله مالداري ډېرې پاملرنې ته اړتيا لري.

هغه زياته کړه: «د امکاناتو په شتون کې به هڅه وکړو چې د شیدو، مستو، کوچو او غوړیو لپاره د پروسس فابریکې جوړې کړو او د پلور لپاره به یې نورو بازارونو ته لېږو.»

Views: 46

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.