ننګرهار کې د ګوزڼ یوه بله پېښه هم ثبت شوه

کابل (پژواک، ۴ غبرګولی ۱۴۰۲): د افغانستان د عامې روغتيا وزارت وايي، د ماشومانو د ګوزڼ ناروغۍ یوه بله پېښه د ننګرهار ولایت په نازیانو ولسوالۍ کې ثبت شوه.

د عامې روغتیا وزارت په خبرپاڼه کې راغلي چې د نازیانو ولسوالۍ په لنډي جامع جومات کلي کې یو دوه‌نیم کلن هلک د ګوزڼ پر ناروغۍ اخته شوی دی.

سرچینه زیاتوي چې ننګرهار ولایت او په ټوله کې ختیځه حوزه د دغې ناروغۍ له لوړ ګواښ سره مخ ده.

د روان کال د غویي په ۲۳مه او ۲۴مه هم د ننګرهار ولایت په بټي‌کوټ ولسوالۍ کې د دغې ناروغۍ دوې مثبتې پېښې ثبت شوې وې.

login or register a new account.