ښرنه (پژواک، ۴ غبرګولی ۱۴۰۲): د پکتيکا ولایت په مرکز ښرنه کې د ځايي سوداګرو او کاروباريانو په مالي ملاتړ د ۱۳ میلیون افغانيو په لګښت د يوه سړک پخولو چارې پیل شوې.
د پکتیکا ښاروال ناصر هلال نن (پنجشنبه) په دې مناسبت جوړه شوې غونډه کې وویل: «د ښاروالۍ دويم لین سړک ۶۰۰ متره اوږدوالی لري چې تخنیکي او ساختماني چارې یې د ښاروالۍ ریاست له خوا مخې ته وړل کېږي او مالي ملاتړ یې د ښار د سوداګرو له خوا شوی دی.»
هغه زياته کړه، د ښار له سوداګرو او کاروباریانو نه منندوی دی چې په دغه ډول لویو ټولګټو پروژو کې برخه اخلي.
د پکتیکا والي مولوي عبدالله مختار وویل، حکومتي اداره ژمنه ده چې د پرمختګ او ابادۍ لپاره کار وکړي او د مرکز له هټیوالو نه یې مننه وکړه چې د ښار رغولو لپاره دغه ډول اقدام کوي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن