کابل (پژواک، ۲۳ چنګاښ ۱۴۰۲): د سرپرست حکومت بهرنیو چارو وزارت له لوري له بهرنیو استازوليو سره د امارتي ادارو د تعامل په اړه د پوهاوي او همغږۍ غونډه جوړه شوه.
د بهرنیو چارو وزارت په یوه خبرپاڼه کې راغلي، په دې غونډه کې چې د بهرنیو چارو وزارت د سرپرست مولوي امیرخان متقي په مشرۍ ترسره شوه، د اسلامي امارت د ټولو وزارتونو، عمومي ریاستونو او خپلواکو ادارو د دفترونو رئیسانو او بهرنیو اړیکو مسوولینو ګډون کړی و.
په غونډه کې د اسلامي امارت مشرتابه د وروستي فرمان او کابینې د پرېکړې له مخې، له بهرنیو استازولیو سره د تعامل او رسمي سفرونو اړوند لارښوونې پکې شوې، د ښه تعمیل په موخه د دولتي ارګانونو له لوري له بهرنیو هېوادونو او استازولیو سره د ملاقاتونو، رسمي سفرونو او تړونونو لاسليکولو قانوني مراحل تشریح او په اړوند برخو کې د همغږۍ پر وړاندې شته ستونزې او حللارې یې په تفصیل سره ذکر شوې او د مشرتابه له فرمان سره مل په لیکلې بڼه پر ګډونوالو ووېشل شول.
د مجلس ګډونوالو د همغږۍ او پوهاوي په موخه دغه دايره شوې غونډه د چارو د انسجام او تنظیم لپاره ګټوره وبلله، د ازاد بحث له لارې یې خپل وړاندیزونه او مشورې مطرح او د تطبیق په موخه یې هر اړخیز بحث وشو.
دوی دغه راز د دا ډول غونډو د دوام غوښتنه وکړه او د پوهاوي لپاره یې ګټورې وبللې.
Views: 63
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن