تالقان (پژواک، ۲۰ وږی ۱۴۰۲): تخار کې امنیتي مسوولین وايي چې ناپېژانده وسلهوالو د دغه ولایت په خواجهغار ولسوالۍ کې یوه ۶۰ کلنه ښځه وژلې ده.
د تخار د پولیسو ویاند عبدالمبین صافی وايي، یوه ۶۰ کلنه ښځه چې د یاد ولایت د خواجهغار ولسوالۍ د اسفند دشت سیمې اوسېدونکې وه، دوه شپې مخکې د ناپېژانده وسلهوالو له لوري په مرموز ډول وژل شوې ده.
نوموړي زیاته کړه، دا پېښه د یاد ولایت په خواجهغار ولسوالۍ کې رامنځته شوې او پولیسو د دې قضیې په تړاو د یادې ښځې زوی نیولی دی.
د تخار د پولیسو ویاند وایي چې د پېښې د لامل روښانه کېدو په موخه لومړنۍ څېړنې پیل شوې دي.
GET IN TOUCH
NEWSLETTER
SUGGEST A STORY
PAJHWOK MOBILE APP