ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

سریلانکا په اسیایي جام سیالیو کې پاکستان ته ماتې ورکړه او پای لوبې ته ولاړ

15 Sep 2023 - 03:27
15 Sep 2023 - 03:27

کابل (پژواک ٢٣ وږی ١٤٠٢): د کرکټ اسیایي جام سیالیو په لړ کې سریلانکا پاکستان ته په ماتې ورکولو پای لوبې ته ووتلو او پاکستان له دې سیالیو بهر شو.

د سریلانګا او پاکستان ترمنځ دا لوبه په کولمبو ښار کې ترسره شوه، ددې  لوبې پچه پاکستان  وګټله او لومړی یې د توپ وهنې پرېکړه وکړه.

دغه لوبه د باران ورېدو له امله ناوخته پیل شوه چې د “DSL”  قانون له مخې لوبه ٤٢ اوورونو ته راښکته شوه.

پاکستان په ٤٢ اوورونو کې د ٧   لوبغاړو په سوځېدو سره سریلانکا ته د ٢٥٢ منډو هدف ورکړ.

د پاکستان له لوري محمد رضوان تر ټولو ډېرې ٨٦ منډې جوړې کړې.

دغه راز  د سریلانکا له لوري ځوان لوبغاړي متیشا پتیرانه تر ټولو ډېرې ٣ وېکټې واخیستې.

په ورته وخت کې د سریلانکا لوبډلې دغه هدف په وروستي توپ د ٧ لوبغاړو په سوځېدو سره پوره کړ او دغه لوبه یې وګټله او په دې توګه یې د اسیا جام سیالیو پای لوبې ته لار پیدا کړه.

د یادونې ده چې پاکستان تېر لوبه هم له هنده په ستر توپیر  بایللې وه  او په نننۍ بایللو سره له دې جامه ووت.

د هند او سریلانکا ترمنځ به د اسیا جام پای لوبه د سپټمبر په ١٧مه ترسره شي.

 

Views: 17

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.
Exit mobile version