غزني ښار (پژواک، ۱۰ مرغومی ۱۴۰۲): غزني کې د څلورو لوبډلو ترمنځ کرکټ سیالۍ چې د دغه ولایت د ښاروالۍ په مالي ملاتړ پیل شوې وې، پای ته ورسېدې.
د غزني ښاروالۍ تخنیکي او مسلکي مرستیال فضلاحمد مدني د مرغومي په ۱۰مه د پایلوبې مراسمو کې وویل چې دغه سیالۍ یې د خپل کور او ښاروالۍ پاکوالي ته د خلکو پام ورګرځولو په موخه پیل کړې وې.
د غزني د کرکټ امر عبدالودود پکتیال له ښاروالۍ وغوښتل چې د کرکټ میدان لپاره ورته ځمکه ورکړي.
هغه زیاته کړه چې په یادو سیالیو کې د ښاروالۍ، کډوالو ښارګوټي، اکاډمۍ او اتلانو لوبډلو برخه اخیستې وه او یوه اونۍ یې دوام وکړ.
پکتیال وویل چې د سیالیو پایلوبې ته د اتلانو لوبډلې وکولای شول چې د ملي اکاډمي لوبډلې ته ماته ورکړي او د دې سیالیو اتلولي په خپل نوم کړي.
د هغه په وینا، د اتلانو لوبډلې د ۱۷۴ منډو هدف ټاکلی و، خو د ملي اکاډمي لوبډلې ۱۶۰ منډې وکړې او اتلانو دا لوبه د ۱۴ منډو په توپیر سره وګټله.
Views: 13
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن