کابل (پژواک، ۲۱ کب ۱۴۰۲): افغان او ترکمن چارواکو د هرات نورالجهاد سبسټېشن، له ترکمنستانه هېواد ته د برېښنا رالېږد او کاري بهیر چټکتیا په تړاو خبرې کړې دي.
د افغانستان برېښنا شرکت تېره ورځ پرخپله اېکسپاڼه لیکلي، د دغه شرکت چارواکو او د ترکمنستان د نړۍوالو تخنیکي پروژو مسوول او سفارتي استازو ترمنځ د نورالجهاد سبسټېشن او د برېښنا رالېږد پراختیايي پروژې په اړه ګډه ناسته کړې ده.
سرچینې زیاته کړې، دې ناسته کې د اړتیا وړ تجهیزاتو رالېږد، د پروژې پاتې چارو بشپړولو لپاره د مودې غځولو، کاري بهیر چټکتیا او د بشپړو شوو برخو په اړه هر اړخیزې خبرې شوې دي.
د سرچینې د معلوماتو له مخې، ټاکل شوې چې د افغانستان برېښنا شرکت د تخنیکي څانګو ترمنځ له تخنیکي بحثونو وروسته به وروستۍ پایله له ترکمن لوري سره شریکه او د یادو مواردو په اړه به ګډ قرارداد چمتو او لاسلیک شي.
Views: 26
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن