کابل (پژواک، ۲۲ کب ۱۴۰۲): افغانستان لپاره د چین د بهرنیو چارو ځانګړي استازي په دغه هېواد کې له افغان سره په لېدنه کې ویلي، هېواد د افغانانو ملي حاکميت ته درناوی لري او په کورنیو چارو کې یې مداخله نه کوي.
په چین کې د افغانستان سفارت پر خپله اېکسپاڼه لیکلي چې په دغه هېواد کې افغان سفیر مولوي بلال کریمي د افغانستان لپاره د چین د بهرنیو چارو وزارت له ځانګړي استازي یوشیاویونګ سره وکتل.
سرچېنې لیکلي، په دغه لېدنه کې په دغه لېدنه کې د افغانستان لپاره د چین د بهرنیو چارو وزارت ځانګړي استازي یو ځل بیا د خپل هېواد هغه موقف تکرار کړ، چې د افغانانو ملي حاکميت ته درناوی لري او د افغانستان په کورنیو چارو کې مداخله نه کوي.
افغان سفارت لیکلي چې په دغه لېدنه کې د چين او افغانستان تر منځ د سیاسي روابطو پر لا پراختیا، همدارنګه له ګاونډیو او د سیمې له هیوادونو سره د اقتصادي اتصال، تجارتي، روغتیایي، ترانزیټي، د دواړو هیوادونو تر منځ پر قونسلي مسائلو او یو شمیر نور مواردو باندې خبرې وشوې.
Views: 45
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن