ګردیز (پژواک، ۴ وری ۱۴۰۳): د پکتیا په مېرزکه ولسوالۍ کې د تندر لوېدو پېښه کې نهه کسان ټپیان شوي دي.
د پکتیا د پېښو پر وړاندې د چمتووالي ادارې رییس مولوي نثاراحمد نجات پژواک خبري اژانس ته وویل چې وړمه شپه د مېرزکې ولسوالۍ په انډوام کلي کې د تراویح لمانځه پر مهال پر لمونځکوونکو تندر لوېدلی دی.
د هغه په وینا، په دې پېښه کې نهه کسان ټپیان شوي چې د درملنې په موخه روغتون ته انتقال شوي خو یو کس چې حالت یې نازک و، کابل ته وړل شوی دی.
د یادونې ده، له دې مخکې هم په ورته پېښو کې یو شمېر کسانو ته مرګژوبله اوښتې ده.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن