کابل (پژواک، ۱۳ وری ۱۴۰۳): د روغتیا نړۍوال سازمان وایي چې د کندهار میرویس روغتون سره یې د ۸۵ ټنه درملو او طبي تجهیزاتو مرسته کړې ده.
د روغتیا نړۍوال سازمان تېره ورځ پر خپله فېسبوکپاڼه لیکلي چې دغو مرستو کې د بېړنیو مرستو بستې، د غیرساري ناروغیو او عملیاتو او پانسمان تجهیزات شامل دي.
دغه سازمان ویلي چې د کندهار میرویس روغتون په سوېلي حوزه کې لږ تر لږه شپږ میلیون کسانو ته روغتیایي خدمات وړاندې کوي.
دا په داسې حال کې ده چې له دې مخکې د سعودي عربستان ملک سلمان خیریه بنسټ هم ژمنه کړې وه چې د افغانستان بشري صندوق سره به ۱،۱ میلیون ډالره مرسته کوي.
Views: 12
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن