ګردېز (پژواک، ۸ غويی ۱۴۰۳): د پکتیا امنیه قومانداني وايي چې د دغه ولایت په احمدابا ولسوالۍ کې پنځه سوه کیلوګرامه چرس کشف او ترلاسه شوي دي.
د پکتیا امنیې قوماندانۍ ویاند عبدالباري منیب ځډراڼ پژواک خبري اژانس ته وویل، امنیتي ځواکونو نن د احمدابا ولسوالۍ د سره راغه سیمه کې پر یوه کور عملیات کړي دي.
سرچینې زیاته کړه چې د دغو عملیاتو په ترڅ کې شاوخوا پنځه سوه کیلوګرامه اومه چرس کشف او ترلاسه شوي دي.
ځدراڼ وايي، د یادو چرسو په تړاو تر اوسه څوک نه دي نیول شوي خو په اړه يې پلټنې روانې دي.
د یادونې ده، څه موده مخکې هم د پکتیا امنیتي ځواکونو د دغه ولایت په احمدخېلو ولسوالي کې لسګونه کیلوګرامه چرس په داسې حال کې نیولي وو چې نورو ولایتونو ته انتقالېدل.
GET IN TOUCH
NEWSLETTER
SUGGEST A STORY
PAJHWOK MOBILE APP