ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

میدان‌وردګو کې په لومړي ځل د ښځو د سوداګرۍ او صنایعو خونه پرانیستل شوه

میدان‌وردګو کې په لومړي ځل د ښځو د سوداګرۍ او صنایعو خونه پرانیستل شوه

author avatar
27 May 2024 - 17:38
میدان‌وردګو کې په لومړي ځل د ښځو د سوداګرۍ او صنایعو خونه پرانیستل شوه
author avatar
27 May 2024 - 17:38

میدان‌ښار (پژواک، ۷ غبرګولی ۱۴۰۳): د میدان‌وردګو ځايي مسوولین وایي، په دغه ولایت کې د لومړي ځل لپاره د ښځو د سوداګرۍ او صنایعو خونې فعالیت پیل کړ.

د میدان‌وردګو ولایت مقام نن (د غبرګولي ۷مه) د یوې خبرپاڼې په خپرولو ویلي چې دغه خونه د افغانستان د سوداګرۍ او صنایعو خونې د مرستیالې فريبا نوري له لوري د یو لړ مراسمو په ترڅ کې پرانیستل شوه.

په دغو مراسمو کې د افغانستان د ښځو د سوداګرۍ او صنایعو خونې مرستیالې ویلي: «دغه خونه د خصوصي سکټور په چوکاټ کې د اسلامي شریعت او امارت له قوانیو سره سم د هېواد په ۱۹ ولایتونو کې فعالیت کوي چې شلم ولایت میدان‌وردګ دی چې نن په‌کې یاده خونه پرانیستل کېږي.»‎

د میدان‌وردګو د سوداګرۍ او صنایعو خونې رییس انجنیر محمدخان ځواک د یادې خونې پرانیستل کېدو هرکلی کوي او وايي: «په دغه ولایت کې ډېرې ښځې شته چې د لاسي صنایعو، لبنیاتو د پروسس، رب او مربا جوړولو برخو کې ښې تجربې او لاسته‌راوړنې لري چې دا خونه به یې په کارونو او بازارموندنه کې خورا ګټور او مثبت بدلون راولي.»

د دغه ولایت د اقتصاد رییس مولوي عبدالحکیم حامد، میدان‌وردګو د ښځو د سوداګرۍ لپاره یو مهم ولایت بللی او د یادې خونې پرانیستل کېدل یې د سوداګرۍ په برخه کې یو مثبت ګام یاد کړی دی.‎

هفه زیاته کړې: «میدان‌وردګ یو زراعتي ولایت دی او د ښځو لپاره د سوداګرۍ او صنایعو برخه کې د دې څانګې پرانیستنه خورا اړینه او ګټوره ده.»‎

هغه په میدان‌وردګو کې د ښځو د صنعت او سوداګرۍ خونې مسوولینو ته ډاډ ورکړ چې د اسلامي امارت مشران د شریعت په چوکاټ کې د ښځو د سوداګرۍ د ملاتړ او هغو ته د کارموندنې برخه کې ژمن دي.

Views: 24

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.