کابل (پژواک، ۱۷ زمری ۱۴۰۳): د افغانستان المپیک ملي کمېټه وایي چې د تکواندو ملي لوبډلې دوه لوبغاړي د اسیا د اتلولۍ جام سیالیو کې د ګډون په موخه چین ته لاړل.
د المپیک ملي کمېټې او سپورټ عمومي ریاست پرون پر خپله اېکسپاڼه لیکلي چې د ITF د تکواندو ملي فدراسیون دوه لوبغاړي د المپیک ملي کمېټې، د بدني روزنې او سپورټ عمومي ریاست په همکارۍ د اسیا د اتلولۍ جام سیالیو کې د ګډون په موخه چین ته ولاړل.
سرچینې لیکلي چې یادې سیالۍ د زمري میاشتې له ۱۷مې د همدې میاشتې تر ۱۹مې پورې د چین په اونان ښار کې ترسره کېږي.
د سرچینې د معلوماتو له مخې، د اسیا اتلولۍ جام سیالۍ د مرکزي اسیا د اتو هېوادونو د لوبغاړو ترمنځ ترسره کېږي.
GET IN TOUCH
NEWSLETTER
SUGGEST A STORY
PAJHWOK MOBILE APP