ډبلیواېف‌پي: د بودجې کموالي له امله یو میلیون میندې او ماشومان له مرستو بې‌برخې شوي

کابل (پژواک، ۵ وږی ۱۴۰۳): د خوړو نړۍوال پرګروام وايي، په افغانستان کې تر یو میلیون زیاتې میندې او ماشومان د دغه پروګرام د بودجې کموالي له امله له مرستو بې‌برخې شوي دي.

د خوړو نړۍوال پرګروام نن پر خپله اېکس‌پاڼه د یو ويډيويي کلپ په خپرولو سره ویلي، مېرمنې په افغانستان کې د مرستو د کمولو تر ټولو لوړه بیه پرې کوي.

سرچینه زیاتوي: «په افغانستان کې تر ميلیون ډېرې میندې او ماشومان د دغه پروګرام د بودجې کموالي له امله له مرستو بې‌برخې شوي دي.»

د سرچينې د معلوماتو له مخې، د بېړنيو مرستو په نشتون سره به افغان مېرمنې ډېرې زيانمنې شي.