کابل (پژواک، ۲۶ وږی ۱۴۰۳): د کابل ښار په نولسمه ناحیه کې د ۱۴،۴ میلیونه افغانیو په لګښت د دوو فرعي سړکونو جوړولو چارې بشپړې شوې.
د کابل ښاروالۍ نن پر خپله اېکسپاڼه لیکلي چې د ښاریانو پر وړاندې د شته ترانسپورټي ستونزو د حل په موخه، د نولسمې ناحیې اړوند د ۱۳م او ۱۴م ګذر په کټهخېلو سیمه کې د دوو فرعي سړکونو د جوړولو چارې بشپړې شوې.
سرچینه زیاتوي، د ۱۳م ګذر سړک چې ۸۰۰ متره اوږدوالی او پنځه متره سور لري او د ۱۴م ګذر سړک چې ۴۷۴ متره اوږدوالی او پنځه متره سور لري، د لښتیو او ۱۲۸ متره په اوږدوالي یوه استنادي دېوال په ګډون یې چارې د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته بشپړې شوې.
د سرچینې د معلوماتو له مخې، د یادو دوو فرعي سړکونو پر جوړېدو ۱۴،۴ میلیون افغانۍ لګښت راغلی دی.
سرچينې دغهراز زیاته کړې چې په راتلونکي کې به هم ورته نورې پروژې د دغې ناحیې په اړوند سیمو کې پلې شي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن