میدانښار (پژواک، ۱۱ تله ۱۴۰۳): د ميدانوردګو د ورزش برخې مسوولین وایي، د دغه ولایت د پهلوانۍ فدراسيون له لوري د ۶۰ لوبغاړو ترمنځ د پهلوانۍ د غوراوي سيالۍ پيل شوې.
د ميدانوردګو د بدني روزنې او ورزش امر ذبیح الله وهاج رسنیو ته وویل، دغه سيالۍ د دغه ولایت په کچه د پهلوانۍ فدراسيون له لوري جوړې شوې چې یوه ورځ به دوام وکړي.
نوموړي زياته کړه چې دغه سیالۍ د غوره لوبغاړو د په نښه کولو په موخه جوړې شوې دي.
بل لور ته، لوبغاړي د یادو سیالیو ترسره کېدو ته خوښ دي.
د یادو سیالیو یوه پهلوان جلات خان پژواک ته وویل چې ورزش د روغتیا ضامن دی او په دې برخه کې باید ډېر کار وشي.
هغه ټینګار وکړ چې د لوبغاړو د هڅونې او وړتیا لوړولو په موخه باید همیشه دغه ډول سیالۍ جوړې شي.
Views: 5
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن