کابل (پژواک، ۱۹ وری ۱۴۰۴): د ایران د بهرنیو چارو وزیر د افغانستان و ایران ترمنځ اړیکې د ارزښت وړ بللې او ویلي یې دي چې د دواړو هېوادونو ترمنځ ترسره شوي هوکړهلیکونه، په ځانګړي توګه له ایران څخه د افغان کډوالو د تدریجي راستنېدو برخه کې هوکړهلیک باید وڅارل شي.
کابل کې د ایران سفارت پر خپله اېکسپاڼه لیکلي چې د دغه هېواد د بهرنیو چارو وزیر سیدعباس عراقچي په افغانستان کې د ایران سفیر علیرضا بیکدلي سره په لیدنه کې له افغانستان سره د ایران د وروستیو اړیکو د وضعیت په اړه خبرې اترې کړې دي.
د سرچینې د معلوماتو له مخې، عراقچي ویلي چې د دواړو «مسلمان او ګاونډي» هېوادونو ترمنځ اړیکې په بېلابېلو برخو کې د ارزښت وړ دي.
عراقچي د ایران په جوړونې کې د افغان کډوالو د مشارکت او له ایران څخه خپل هېواد ته د هغوی د تدریجي بیاګرځېدلو د اسانتیا په موخه د همکارۍ لپاره د ترسره شوي هوکړهلیکونو په ګډون د دواړو هېوادونو ترمنځ د هوکړهلیکونو د جدي څارنې پر اړتیا ټینګار کړی دی.
د افغانستان د کډوالو او راستنېدونکو چارو وزارت معلوماتو له مخې، اوسمهال ایران کې شاوخوا درې میلیونه افغان کډوال ژوند کوي چې ځینې یې د کډوالۍ اسناد نهلري.
GET IN TOUCH
NEWSLETTER
SUGGEST A STORY
PAJHWOK MOBILE APP