کابل (پژواک، د مرغومې ۱۵مه ۱۴۰۴): د روسیې د ملي امنیت شورا مرستیال د ونزوېلا پر ضد د امریکا د متحدو ایالتونو کړنې، په ځانګړې توګه د دې هېواد د ولسمشر نیکولاس مادورو نیول، «تجاوز او له نړیوالو قوانینو سرغړونه» بللې ده.
د تاس خبري اژانس د راپور له مخې، د روسیې د ملي امنیت شورا مرستیال دیمیتري مددوف ویلي چې واشنګټن نور رسمي حق نه لري چې د مسکو پر کړنو نیوکې وکړي.
هغه د ونزوېلا پر ضد د امریکا د متحدو ایالتونو کړنې «غیرقانوني او تجاوز» بللې دي.
د هغه په وینا، ملګري ملتونه د امریکا د ونزوېلا پر ضد برید په څېر پېښو د مقابلې لپاره اغیزمن میکانیزمونه نه لري.
د یادونې ده چې د امریکا ځواکونه وړمه ورځ پر ونزوېلا برید وکړ او وروسته له برید یې د دغه هېواد ولسمشر او د هغه میرمن ونیول او امریکا ته یې انتقال کړل.
د ونزوېلا سترې محکمې امر کړی چې دلسی رودریګز، د دې هېواد مرستیاله ولسمشره، د نیکولاس مادورو په غیاب د ونزوېلا د موقتي ولسمشر په توګه دنده ترسره کړي.
GET IN TOUCH
NEWSLETTER
SUGGEST A STORY
PAJHWOK MOBILE APP