کابل (پژواک، ۱۵ مرغومی ۱۴۰۴): د کورنیو چارو وزارت وایي چې د تېرې یوې اونۍ په اوږدو کې د کابل ورودي دروازو او ښار کې ۱۳۱۰ بېاسناده او تورې ښیښې لرونکي موټر درول شوي دي.
د یاد وزارت خبرپاڼه کې راغلي چې د عامه امن پولیسو د ترافیکو له لوی ریاست سره په ګډه همکارۍ د تېرې یوې اونۍ په اوږدو کې د کابل ښار ورودي دروازو کې ۱۳۱۰ بېاسناده او د تورو ښیښو لرونکي موټر درولي دي.
سرچینه زیاتوي، په درول شوو وسایطو کې ۱۲۷ موټر د کابل ښار دننه د تلاشۍ په ځایونو کې متوقف شوي او د پولیسو ښارګوټي ته لېږدول شوي دي.
د خبرپاڼې له مخې، دغهراز پاتې ۱۱۸۳ موټرو په ولایتونو پورې تړاو درلود چې کابل ښار ته د ننوتو اجازه نه ده ورکړل شوې او بېرته خپلو ولایتونو ته ګرځول شوي دي.
GET IN TOUCH
NEWSLETTER
SUGGEST A STORY
PAJHWOK MOBILE APP