کابل (پژواک، ۳۱ وری ۱۴۰۵): د راپورونو له مخې، د جمو او کشمیر په اودهامپور ولسوالۍ کې د یوه بس چپه کېدو له امله ۱۴ کسانو ژوند له لاسه ورکړی او ۱۸ نور ټپیان شوي دي.
هندوستان ټایمز راپور ورکړی چې دا پېښه نن د جمو او کشمیر په اودهامپور ولسوالۍ کې شوې ده.
سرچینه زیاتوي، دغه بس له رامنګر څخه اودهامپور ته روان و چې یوې درې ته لوېدلی او له امله ۱۴ کسانو ژوند له لاسه ورکړی او ۱۸ نور ټپیان شوي دي.
چارواکو ویلي چې د پېښې ټپیان روغتون ته لېږدول شوي او د مړو د لېږدولو هڅې هم روانې دي.
