د اروزګان والي وايي، د ځینو مالیاتي ادارو له لوري په دندو کې غفلت او ناغېړي لامل شوې چې د ټاکلو عوایدو په راټولولو کې پاتې راشي.

د لوګر د مخابراتو او معلوماتي ټکنالوژۍ ریاست وایي، د مرکز پل علم په ګډون په محمداغې، بره‌کي برک، څرخ، خروار، خوښۍ او ازرې ولسوالیو کې د مخابراتو او انټرنیټي خدمتونو د پوښښ ساحه تر ۸۰ سلنې پراخه شوې ده.

د نورستان د پوهنې ریاست چارواکي وايي، د دوی له پرله‌پسې غوښتنو وروسته د پوهنې وزارت دغه ولایت ته نږدې ۱۰۰ زره ټوکه درسي کتابونه لېږلي او ۱۵۰ زره نور پر لار دي.

یوناما وايي، افغانستان ته د راوړل کېدونکو نغدو پيسو اندازه په افغانستان کې د ملګري ملتونو د بشري مرستو له پروګرام سره متناسبه ده؛ که په افغانستان کې د ملګري ملتونو د مرستو وړاندې کولو کچه کمه شي، نو د لېږدېدونکو نغدو پيسو اندازه به هم کمه شي.

د صنعت او سوداګرۍ سرپرست وزیر د سکټوري خونو له استازو سره د همغږۍ په ناسته کې د داخلي تولیداتو د کیفیت پر لوړولو ټینګار وکړ او وې ویل، د بې‌کیفیته محصولاتو تولیدوونکي به د حکومت ملاتړ له لاسه ورکړي.

په پاکستان کې د افغانستان سفارت وايي، د کراچۍ له زندانونو څخه د خوشې شويو بنديانو په لړ کې په زندان کې د مړه شوي افغان جسد هم هېواد ته واستول شو.

د پاکستان او ایران د بهرنیو چارو وزیرانو په افغانستان کې د نجونو پر زده‌کړو بندیز په اړه خواشیني ښودلې او په دغه هېواد کې یې د یوه ټول‌ګډون حکومت پر جوړېدو ټینګار کړی دی.

د پکتيا قومي مشرانو د يوې غونډې په ترڅ کې له اسلامي امارت ملاتړ وکړ، خو له دولت څخه يې غوښتنه وکړه چې دغه ولايت ته توجه وکړي.

د کاپیسا د علماوو شورا او قومي مشرانو په یوه پرېکړه‌لیک کې د ولور اندازه تر ۱۵۰ زره افغانیو وټاکله او پرېکړه یې وکړه چې مهر باید د دواړو غاړو په خوښه و ټاکل شي، د کوژدې، د نکریزو شپه، عیدي، براتي او داسې نور محفلونه منع دي.

د غوري سیمنټو فابریکې مسوولین وایي، له کورني تولیداتو څخه په مناسبه بیه د ګټې اخیستنې په موخه د دغې فابریکې د سیمنټو پلور یوه خصوصي شرکت ته په قرارداد ورکړل شو.

د ملګرو ملتونو د مرستيال ځانګړي استازی د دې ترڅنګ چې وايي، افغانستان د ناورين یوه نوي پړاو ته ننوځي، پر نجونو او ښځو د لګول شوو بنديزونو د ژر تر ژره لرې کولو غوښتنه کړې ده.

د ریاست‌الوزراء سیاسي مرستیال د ملګرو ملتونو د سرمنشي ځانګړي استازي له مرستیال څخه وغوښتل چې ملګري ملتونه باید په دغه سازمان کې د افغانستان څوکۍ دوی ته وسپاري.