د صنعت او سوداګرۍ وزارت وایي چې د ترکمنستان پلازمېنه عشق‌اباد کې د افغان – ترکمن تجارتي تواصل کنفرانس او د افغانستان د محصولاتو نندارتون پرانیستل شو.

په خوست کې د «زرغون خوست» په نوم د نيالګيو اېښودلو درې ورځنۍ مېله پيل شوه چې په ترڅ کې به يې په دغه ولایت کې زرګونه مثمر او غيرمثمر نيالګي کېښودل شي.

د پکتیا د بدنې روزنې او ورزش ریاست وايي چې په دغه ولایت کې د ۳۰ لوبډلو ترمنځ د فوټسال سیالۍ د پیمان لوبډلې په اتلولۍ سره پای ته ورسېدې.

د هېواد مرکزي بانک اعلان کړی چې سبا (سه‌شنبه، د کب ۱۵مه) ۱۶ میلیون امریکایي ډالر د داوطلبۍ له لارې پلوري.

نیکې هيلي د جمهوري غوښتونکو ګوند په ټاکنو کې د امریکا په پلازمېنې واشنګټن ډي سي کې د ۶۳ سلنې رایو په ګټلو سره په لومړي ځل ډونالډ ټرمپ ته ماتې ورکړه.

د ریاست‌الوزرا سیاسي مرستیال د ملګرو ملتونو له یوې استازې سره په لیدنه کې ویلي، بې‌وزلي او بې‌کاري له تېر حکومته پاتې دي او اړتیا ده چې له افغانانو سره بشري مرستې ډېرې شي.

د بامیان د مرکز یو شمېر اوسېدونکي په داسې حال کې له ناسمو دودونو او په ودونو او نورو مراسمو کې د لوړو لګښتونو له کېدو شکایت لري چې تازه د دغه ولایت قومي مشرانو په ټولنه کې د دغه کار مخنیوي او لوړو لګښتونو کمولو په اړه هوکړه کړې ده.

کډوالو او بېرته راستنېدونکو چارو سرپرست د کډوالو په برخه کې د ملګرو ملتونو د اسیایي دفتر مشرې سره په لېدنه کې ویلي، د نظام اصول ورته تر بل هر څه زیات ارزښت لري او هر فعالیت باید له اصولو سره سم ترسره شي.

د چارو اداره وایي، سوادګرو ته د اسانتیاوو رامنځته کولو په موخه په هېواد کې د صادراتي سندونو د طي مراحلو کېدو مرکز جوړېږي.

د صنعت او سوادګرۍ وزارت وایي، په کابل کې د افغانستان او ازبکستان ترمنځ د سوداګريز پيوستون غونډه جوړه شوه.

د شهیدانو او معلولینو چارو وزارت د دعوت او ارشاد رییس د ږيرې پر پرېښودو او د حضرت محمد (ص) په سیرت او صورت د ځانونو پر برابرولو ټینګار کوي، وایي، هیچا ته اجازه نشته چې رسنیو کې په اسلامي امارت پسې وغږيږي.

د فراه د کلیو بیارغونې او پراختیا ریاست وایي چې په دغه ولایت کې له ۱۵۳۳ کورنیو سره د خوراکي توکو مرسته وشوه.