پېښې

د ميدان‌وردګو په چک ولسوالۍ کې د ګازډبې چاودنې له امله یوه ماشوم ژوند له لاسه ورکړی او اووه نور کسان ټپیان شوي دي.  

د ننګرهار امنیه قومانداني وايي چې د دغه ولایت په سره‌رود ولسوالۍ کې د یوې ترافيکي پېښې له امله دوه کسان مړه او ۷ نور ټپیان شوي دي.

د غزني امنیه قومانداني وایي، د دغه ولایت په اجرستان ولسوالۍ کې د یوه جومات چت لوېدو له امله لس تنه ټپیان شوي دي.

هلمند کې ځایي مسوولین وایي چې د دغه ولایت د سنګین دوراهي سیمه کې د کابل – کندهار پر لویه لار د یوې ترافيکي پېښې له امله دوه کسان مړه او څلور نور ټپیان شوي دي.

ایمرجنسي روغتون وایي، په افغانستان کې د ۲۰۲۱ زېږدیز کال له اګسټ میاشتې راهیسې ترافیکي پېښې پنځه برابره زیاتې شوې دي.

د پروان امنیه قومانداني وايي چې په دغه ولایت کې د یوې ترافیکي پېښې له امله دوه کسان مړه او درې نور ټپيان شوي دي.

د غزني ولایت په مربوطاتو کې د کابل – کندهار پر لویه لار د دوو ترافیکو پېښو له امله ۵۰ کسان مړه او ۷۰ نور ټپیان شوي دي.

د اشرف غني او حامد کرزي په ګډون ځینو افغان سیاستوالو د کابل - کندهار پر لویه لار د تېرې شپې ترافیکي پېښو کې پر اوښتې مرګ‌ژوبلې خواشیني څرګنده کړې او د قربانیانو له کورنیو سره یې خواخوږي ښودلې ده.

اسلامي امارت په غزني ولایت کې د تېرې شپې ترافیکي پېښو کې پر اوښتې مرګ‌ژوبلې خواشیني ښودلې او اړوندو ارګانونونه ته یې سپارښتنه کړې چې دواړه پېښې وڅېړي، علت یې معلوم کړي او د داسې ناورینونو د تکرار مخه دې ونیسي.

غزني کې سیمه‌ییز مسوولین وایي ‌چې تېره شپه د دغه ولایت د مرکز او اندړو ولسوالۍ مربوطاتو کې د کابل - کندهار پر لویه لار د دوو جلا ترافیکي پېښو له امله ۴۴ کسان مړه او ۷۶ نور ټپیان شوي دي.

د غزني په قره باغ ولسوالۍ کې د یوې ترافیکي پېښې له امله یوه ماشومه مړه شوې او څلور نور کسان ټپیان دي.

سیمه‌ییز مسوولین وایي، خوست، هلمند او پکتیا ولایتونو کې د ترافیکي پېښو له امله درېیو کسانو خپل ژوند له لاسه ورکړی او ۱۳ نور ټپیان دي.