<p style="text-align: justify;">کاپیسا (پژواک، ۱۶ حوت ۱۴۰۴): د کاپیسا امنیه قومانداني وایي چې د دغه ولایت په الهسای ولسوالۍ کې د یوه کور د خونې چت لوېدو له امله یوه ۱۴ کلن ماشوم ژوند له لاسه ورکړی او څلور نور کسان ټپیان دي.</p>
<p style="text-align: justify;">د کاپیسا د امنیې قوماندانۍ ویاند عبدالفتاح فایز پژواک خبري اژانس ته وویل چې دا پېښه د الهسای ولسوالۍ د سرکدر کلي د محمدشاه په نوم د یوه کس په کور کې شوې ده.</p>
<p style="text-align: justify;">د هغه په وینا، په دې پېښه کې یوه ۱۴ کلن ماشوم ژوند له لاسه ورکړی او څلور نور کسان ټپیان شوي دي.</p>
<p style="text-align: justify;">فایز زیاته کړه چې ټپیان د درملنې لپاره د الهسای ولسوالۍ روغتیايي کلینیک ته لېږدول شوي دي.</p>
<p style="text-align: justify;">د هغه په خبره، د دې پېښې د څرنګوالي په اړه څېړنې پیل شوې دي.</p>
