پېښې

د اسلامي امارت ویاند وایي چې د هېواد په ختیځ کې د تېرې شپې زلزلې له امله تر اوسه د مړه شوو کسانو شمېر ۸۱۲ ته او د ټپیانو  څه باندې ۲۸۰۰ ته رسېدلی، پېښې ته د رسېدنې په موخه یوه ځانګړې کمېته جوړه شوې او د اوس لپاره سل میلیونه افغانۍ ورکړل شوې دي.

د ایران بهرنیو چارو وزارت د افغانستان له خلکو، په ځانګړې توګه د دغه هېواد په ختیځ کې د زورورې زلزلې له امله د مړه شوو کسانو له کورنیو سره خواخوږي څرګنده کړې او له ټپیانو سره د مرستې او ژغورنې برخه کې یې د هر ډول مرستې لپاره چمتووالی ښودلی دی.

ملګرو ملتونو او اروپايي ټولنې د افغانستان په ختیځ کې د تېرې شپې زلزلې له امله پر اوښتې مرګ‌ژوبلې خواشیني څرګنده کړې او اعلان یې کړی چې ټیمونه یې د بېړنیو مرستو رسولو لپاره سیمې ته استول شوي دي. جاپان او ترکیې هم د دې مرګونې پېښې له قربانیانو سره خپله غمرازي ښودلې ده.

د کورنیو چارو وزارت وایي چې په کونړ او ننګرهار کې د تېرې شپې زلزلې له امله ۶۲۲ کسان مړه، ۱۵۵۵ نور ټپيان او ډېر شمېر کورونه ویجاړ شوي دي.

چارواکي‌ وایي چې په کونړ ولایت کې د تېرې شپې زلزلې له امله ۲۰۰ کسان مړه او له دوو زرو ډېر ټپيان شوي او ننګرهار او لغمان کې هم شاوخوا ۳۳۰ کسان ټپیان شوي دي.

کابل (پژواک، ۱۰ وږی ۱۴۰۴): اسلامي امارت وایي، په مشرقي ځینو ولایتونو کې وروستۍ زلزلې خلکو ته مالي او ځاني زیانونه اړولي او له ټولو شته

ننګرهار کې ځایي سرچینې وایي چې تېره شپه د دغه ولایت په ځینو ولسوالیو کې د سختو ورښتونو له امله پنځه کسان مړه او دوه نور ژوبل شوي؛ دغه راز ګڼ شمېر کورونه، زرګونه جريب کرنيزې ځمکې، لارې او استنادي دېوالونه تخریب او زيانمن شوي دي.

کابل (پژواک، ۵ وږی ۱۴۰۴): په تېرو اتو ورځو کې پر لویو لارو په درېیو خونړيو ترافیکي پېښو کې ۱۵۶ کسانو ته مرګ‌ژوبله اوښتې؛ یو

کورنیو چارو وزارت وايي چې د کابل د پغمان ولسوالۍ اړوند په ارغندۍ سیمه کې د یوه ۵۸۰ مسافروړونکي موټر چپه کېدو پېښه کې ۲۵ کسانو ژوند له لاسه ورکړی او ۲۷ نور ټپیان شوي دي.

د پنجشېر امنیه قومانداني وايي چې په دغه ولایت کې د برېښنا له دوو پایو سره د یوه موټر ټکر کېدو له امله درې کسان ټپیان شوي او د دغه ولایت د مرکز برېښنا پرې شوې ده.

بلخ کې ځايي سرچینې وايي چې د حیرتان – مزارشریف پر لویه لار د یوې ترافیکي پېښې له امله درې کسان مړه او څلور نور ټپيان شوي دي.

د غزني امنیه قومانداني وایي چې د دغه ولایت په مرکز او اب‌بند ولسوالۍ کې په دوو جلا ترافیکي پېښو کې دوه کسان مړه او ۱۲ نور ټپیان شوي دي.