ښوونه او روزنه

د لوړو زده‌کړو وزارت وایي، د اسلامي امارت د مشرتابه له لوري د پوهنتونونو هغو استادانو ته چې په ولایتونو کې په تدریس بوخت او مسافر دي، اعاشه او د استوګنې ځای منظور شو.

د لوګر اطلاعاتو او فرهنګ ریاست وایي چې د دغه ولایت په مرکز پل‌علم کې ۸۰۰ بې‌وزله زده‌کوونکو ته وړیا ښوونیز پروګرام پيل شو.

بامیان کې یوې مېرمنې په خپل شخصي لګښت د زده‌کړې یو مرکز جوړ کړی او له دې لارې توانېدلې چې لسګونه بې‌سرپرسته ماشومانو ته د زده‌کړې زمینه برابره کړي او د راتلونکي لپاره د هغوی هیلې راژوندۍ کړي.

د وسله‌وال پوځ لوی درستیز ویلي، «د طبابت علم په یو نظام کې فرض عین دی» او د افغانستان خلک نارینه او ښځینه ډاکټرانو اړتيا لري او هر څوک باید په لوړ همت سره خلکو ته خدمت وکړي.

د تخنيکي او مسلکي زده‌کړو ادارې د ۱،۸ میلیون امریکايي ډالرو په ارزښت له شلو بنسټونو سره هوکړې لاسلیک کړې، څو د هېواد په پنځو ولایتونو کې زرګونه ځوانانو ته لنډمهاله فني او مسلکي زده‌کړو زمینه برابره کړي.

د لوړو زده‌کړو د ځینو لغوه شوو موسسو مسوولین او ځینې زده‌کړیالان وایي، د موسسو د لغوه کېدو پر پرېکړه دې بیا کتنه وشي، خو د لوړو زده‌کړو وزارت د وضاحت ترڅنګ دغه پرېکړه پرځای بولي، وایي چې د یادو موسسو محصلین به له ازموینې وروسته د زده‌کړو نورو موسسو ته معرفي شي.  

د لوړو زده‌کړو وزارت وایي چې د هېواد په نهو ولایتونو کې یې د لوړو زده‌کړو د ۱۱ خصوصي موسسو جوازونه علمي، تدریسي او اداري اصولو ته د نه ژمنتیا له امله لغوه کړي دي.

د ملګرو ملتونو کارپوهانو، افغانستان کې په طبي انسټیټیوتونو کې د نجونو د زده‌کړو پر ځنډولو اندېښنه ښودلې او له افغان چارواکو یې غوښتي چې دغه پرېکړه بېرته واخلي.

د متحده ایالتونو نړۍوالې پراختیايي ادارې  (USAID)او د قطر د ټولو لپاره د زده‌کړو بنسټ (EAA) په افغانستان کې له ښوونیزو پروګرامونو د ملاتړ لپاره د ۵۰ میلیون ډالرو په ارزښت یو هوکړه‌لیک لاسلیک کړ.

د هلمند د کرنې ریاست مسوولین وایي، د نړۍوال بانک او د خوړو او کرنې سازمان په مالي مرسته ۱۸ ولسوالیو کې څه باندي ۵۵ زره کروندګرو ته د مسلکي کرنې برخه کې روزنه ورکول کېږي .

په کابل کې د سرحدونو، قومونو او قبایلو چارو وزارت اړوند له درېیو لېسو او یوه انسټیټیوټ څخه ۶۰۹ کسان فارغ شول.

باوري سرچینې وایي چې په طبي انسټیټیوټونو کې د نجونو زده‌کړې ځنډول شوې، خو بېرته یوازې د وروستیو ازموینو ورکولو اجازه ورکړل شوې ده؛ اسلامي امارت تر اوسه په دې اړه څه نه دي ویلي.