ښوونه او روزنه

د پوهنې وزارت وایي چې په هرات ولایت کې د ۲۵ ښوونیزو مرکزونو د ودانیو بیارغونې چارې د څه باندې ۲۰ میلیون افغانیو په لګښت پیل شوې.

د ننګرهار د پوهنې رياست وايي، د افغان ترک لېسو ادارې له لوري د دغه ولایت د مرکز جلال‌اباد ښار د افغان ترک لېسې ابتداییه څانګه هم پرانیستل شوه.

پوهنې وزارت وایي، تېر کال هېواد کې ۳۱۶ نوي ښوونځي او څه باندې ۲۱۰۰۰ مدرسې او د اسلامي زده‌کړو مرکزونه جوړ شوي، څه باندې ۱۶ میلیون ټوکه کتابونه ښوونځیو او نږدې یو میلیون ټوکه نور د اسلامي زده‌کړو مرکزونو ته چاپ شوي دي.

په ننګرهار ولایت کې د پوهنې وزارت د اسلامي زده‌کړو معینیت تر چتر لاندې د ښوونکو د مسلکي پراختيا ادارې فعالیت پيل کړ.

د اروزګان پوهنتون د کمپیوټرساینس پوهنځي د لومړۍ دورې محصلانو په لومړي ځل د ټکنالوژۍ برخه کې ۱۹ طرحه شوې پروژې نندارې ته وړاندې کړې.

خوست کې يوه ځوان د نجونو په ګډون لسګونه يتيمو او بې‌وزلو ماشومانو ته د زده‌کړو زمينه برابره کړې ده.

هلمند کې د کار او ټولنیزو چارو ریاست مسوولین وايي، د دغه ولایت د مرکز لښکرګاه ښار د «امام احمد ابن حبان بستي» روزنتون کې د سلو نجونو په ګډون درې سوه بې‌سرپرسته او یتیمو ماشومانو ته د زده‌کړو زمینه برابره شوې ده.

د هلمند سیمه‌ییز مسوولین وایي، یونیسف د دغه ولایت په مرکز او ولسواليو کې له لومړي تر درېیم ټولګي پورې د ښوونځیو له ۷۶۰۰۰ زده‌کوونکو سره د قرطاسیې مرسته وکړه.

کابل کې د جاپان سفیر ویلي، هېواد یې د افغانستان د تاریخي میراثونو ساتنې لپاره ۳۰۰ زره ډالر ځانګړي کړي او په پام کې لري چې د دغه هېواد په نهو ولایتونو کې ۱۶۵ لومړني ښوونځي هم جوړ کړي.

د لوګر حکومتي چارواکي وایي چې د دغه ولایت د لوړو زده‌کړو موسسه کې د کمپیوټرساینس او پالیسي او عامه ادارې پوهنځي پرانیستل شول.

بغلان کې سیمه‌ییز مسوولین وایي چې په دغه ولایت کې د یونیسف موسسې په مالي ملاتړ سلو کارګرو ماشومانو ته د لومړنیو زده‌کړو شپږ میاشتني ټولګي جوړ شوي دي.

کابل کې يو شمېر لوستي ځوانان وايي، سره له دې چې لوړې زده‌کړې يې کړې خو بیا هم دندې نه ورته پيدا کېږي، خو حکومتي مسوولين دغه ډول ځوانانو ته د کار پيدا کېدو برخه کې د بېلابېلو پروګرامونو درلودو خبره کوي.