فيچرونه

کابل ښار کې یو شمېر پوستین‌ګنډونکي د خپلو محصولاتو بازار ټکني کېدو اندېښمن کړي او له خلکو غوښتنه کوي چې د دغه صنعت ژوندي ساتلو لپاره د دوی له تولیداتو استفاده وکړي.

د فراه ولایت د بکواه یو شمېر اوسېدونکي وايي، د دې ولسوالۍ عمومي سړک ویجاړ شوی چې له امله یې د یوه ساعت مزل په څو ساعتونو کې کوي.

سرپل کې یو شمېر بزګران د حکومت له لوري د کوکنار پر کښت بندیز ته په اشاره د بدیل کښت غوښتنه کوي خو د کرنې ریاست وايي، د کرنې سیستم ښه‌والي په موخه یې ښې برنامې ورمعرفي کړې دي.

د فاریاب د مرکز میمنې ښار یو شمېر اوسېدونکي د روغتیايي مرکزونو له خوا د طبي کثافاتو له ناسم مدیریته شکایت لري او دا چاره چاپېریال او عمومي روغتیا ته جدي ګواښ بولي، خو مسوولین وایي چې دا ستونزه ۷۰ سلنه کنټرول شوې ده.

د ماشومانو د داخله ناروغیو یو متخصص په ماشومانو کې د وینې د کمښت ستومنزه جدي بولي او وايي چې که پر وخت یې تشخیص او درملنه ونه‌شي، د بدن ټول سیسټمونه او حیاتي غړي له خطر سره مخ کېدای شي.

بغلان کې د کونځلو او زغر غوړیو یو شمېر تولیدوونکي وایي، سږ کال په دغه ولایت کې د زغر او کونځلو حاصلات ډېر وو چې ورسره د دوی د تولیداتو بازار هم ښه شوی دی.

د فاریاب یو شمېر بڼوال او ملي سوداګر وایي چې سږ کال دغه ولایت کې د ممیزو د تولید کچه دوه برابره لوړه شوې، خو د دغه محصول بیه ډېره ټيټه شوې ده.

د ۲۶ کلن حسیب‌الله زهیر سترګې لید نه لري، خو د زړه په سترګو یې نړۍ ځان ته دومره روښانه کړې چې د یوه بینا انسان په څېر یې لوړې زده‌کړې کړې، د قران‌کریم تفسیر او د تاریخ ځیني مهم کتابونه په بریل خط لیکي او هڅه کوي د نورو نابینایانو لپاره هم د هیلو نوې لارې پرانیزي.        

د بلخ ولایت البرز ولسوالۍ د بېلابېلو کلیو یو شمېر اوسېدونکي د څښاک پاکو اوبو ته له نه لاسرسي شکایت کوي او د دې ستونزې د هواري غوښتونکي دي.

هرات کې یو شمېر ګارکر ماشومان چې د اقتصادي ستونزو له امله له زده‌کړو بې‌برخې دي، له حکومته غواړي څو د دوی له کورنیو سره د اقتصادي ستونزو د حل برخه کې مرسته وکړي.

په کابل کې د سره صلیب نړۍوالې کمېټې د فزیکي بیاځواکمنتیا مرکز کې یو شمېر معلولین له خپلو تجربو او زده‌کړو په استفادې خپلو نورو هم‌نوعو ته مصنوعي لاسونه، پښې او د بدن نور غړي جوړوي څو هغوی وکولای شي بېرته د ګرځېدو توان پیدا کړي.

د غزني ولایت په مرکز او یو شمېر ولسوالیو کې د زعفرانو کښت ته د کروندګرو لېوالتیا زیاته شوې او سږ کال یې د تېر په پرتله د حاصلاتو کچه هم لوړه ده.