دولت او سياست

د ریاست‌الوزراء اداري مرستیال وايي، افغانستان غواړي د منځنۍ او سوېلې اسیا ترمنځ د وصل نقطه وي او نړۍ باید د افغانستان کنګل شوې شتمني ازاده کړي او اسلامي امارت په رسمیت وپېژني.

د ریاست‌الوزراء اقتصادي مرستیال له نړۍوالې ټولنې او نړۍوالو مالي بنسټونو غوښتي چې نور دې پر افغانستان لګول شوي مالي او بانکي محدودیتونه پای ته ورسوي؛ ځکه دغو محدودیتونو په هېواد کې د بهرنۍ پانګونې پر بهیر ناوړه اغېز کړی دی.

د عدلیې وزارت وایي، د وزارتونو او امارتي ادارو د قراردادونو قانون توشیح او په رسمي جریده کې خپور شوی چې له مخې یې، امارتي ادارې هغو شرکتونو ته چې د امارتي مسوولینو اړوند وي یا هغوی په‌کې سهیم وي، قراردادونه نه شي ورکولی.

پاکستان د افغانستان په ختیځ کې له زلزله‌ځپلو سره ۱۰۵ ټنه بشري مرسته وکړه او ترکمنستان وایي ډېر ژر به خپلې بشري مرستې افغانستان ته راولېږي.

د احصایې او معلوماتو ملي اداره وايي چې د دې ادارې یو پنځه‌کسیز پلاوی د افغان کډوالو د هویت د تثبیت اړوندو ستونزو د حل په موخه ایران ته سفر کړی دی.

د برېتانیا بهرنیو چارو وزارت د افغانستان په ختیځ کې د وروستۍ زلزلې له امله زیانمنو ته د رسېدنې لپاره د یو میلیون پونډو بېړنۍ مرستې له ځانګړې کولو خبر ورکړی او ویلي یې دي چې دغه اندازه پیسې به د ملګرو ملتونو د وګړو صندوق او سره صلیب نړۍوالې کمېټې له لوري زلزله‌ځپلو ته ووېشل شي.

کابل (پژواک، ۱۰ وږی ۱۴۰۴): د هند د بهرنیو چارو وزیر له خپل افغان سیال سره په ټیلېفوني اړیکه کې د تېرې شپې زلزلې له

د ځینو نورو ټاکنو ترڅنګ د لغمان مخکنی والي شیخ شېراحمد حقاني د اطلاعات او فرهنګ د وزیر په توګه او د اطلاعات او فرهنګ مخکنی وزیر ملا خیرﷲ خیرخواه د میدان‌وردګو د والي په توګه ټاکل شوي دي.

د اسلامي امارت مرستیال ویاند وایي، له افغانستانه د امریکا د وروستي عسکر د وتلو ورځ دا ثابتوي چې د افغانستان خاوره څوک نه شي تسخیرولای او د هر اشغالګر برخلیک به شرمېدلې ماته وي.

د افغانستان د بهرنیو چارو وزارت، په ننګرهار او خوست ولایتونو کې د پاکستان د ډرون بريدونو په غبرګون کې د دغه هېواد سفیر احضار کړی او د احتجاج‌ليک د ورسپارلو ترڅنګ یې ویلي چې «دغه ډول بې‌مسؤولیته کړنې تر شا حتما عواقب لري.»

د سرحدونو، قومونو او قبایلو چارو وزیر په کابل کې د ایران له سفیر سره په لیدنه کې ویلي چې په ايران کې دې له مېشتو افغان کډوالو سره د اسلامي او نړۍوالو اصولو په چوکاټ کې چلند وشي.

د ریاست‌الوزراء اقتصادي معاونیت وایي، د عزیزي انرژي ګروپ مشر له ملا عبدالغني برادر اخند سره په کتنه کې د دغه ګروپ له خوا د لس زره ميګاواټه برېښنا د تولید پروژې د لومړي فاز چارو د ژر پيلېدو ډاډ ورکړی دی.