بيارغونه

د ریاست‌الوزراء اقتصادي معاونیت وايي، سرپل ولایت کې د ښاروالۍ پر ځمکه د خصوصي سکټور د شاوخوا ۹۶ میلیون افغانیو په پانګونې سره پنځه پوړیز سوداګریز مارکېټ جوړېږي.

د ټرانسپورټ او هوايي چلند وزارت وایي، د ۲۸۴ میلیون افغانیو په لګښت د کندهار د دامان ولسوالۍ په نساجي سیمه کې د یوه ترانسپورټي ترمینل جوړولو چارې پیل شوې.

د خوست سیمه‌ییز مسوولین وایي چې د دغه ولایت په علیشېرو ولسوالۍ کې د ۲۲۵ زره امريکايي ډالرو په لګښت د دوو رغنيزو پروژو چارې پيل شوې.

ځایي مسوولین وایي چې د بامیان په سیغان ولسوالۍ کې د څه باندې ۲۸ میلیون افغانیو په لګښت د څښاک اوبو رسولو د پنځو شبکو جوړولو چارې پيل او دغه ‌راز په کندوز کې بیا د ۱۹۸ زره ډالرو په لګښت د اوبو رسولو یوې شبکې چارې بشپړې شوې.

د لغمان د والي مرستیال وايي، تېر لمریز کال د لغمان په مرکز او ولسوالیو کې د یو میلیارد او ۲۴ میلیون افغانیو په لګښت پراختیایي پروژې پلې شوې دي.

د اروزګان په مرکز ترینکوټ کې تېره ورځ د یوه ترانسپورټي ټرمینل د جوړېدو چارې پیل شوې چې د ۳۷ میلیونه افغانیو په لګښت به د ۱۴ میاشتو په موده کې بشپړې شي.

د کونړ ولایت په څوکۍ ولسوالۍ کې د څه باندې ۱۱ میلیون افغانیو په لګښت یوه لومړني ښوونځي ته ودانۍ جوړه او ګټې اخیستنې ته وسپارل شوه.

مسوولین وایي چې د کابل - جلال‌اباد دویم لین سړک د لومړي فاز جوړولو چارې په چټکۍ روانې دي او هڅه کوي چې له ټاکلي وخت مخکې یې بشپړې کړي.

د ریاست‌الوزراء اقتصادي معاونیت وايي، د کرنې وزارت تېر لمریز کال په لسو ولایتونو کې د شاوخوا ۱۳۴ میلیون افغانیو په لګښت ۵۸ لوی او واړه چک‌ډيمونه جوړ کړي دي.

د کابل د پغمان ولسوالۍ په ارغندي سیمه کې پر ۹۱۴ جریبه ځمکه نن د یوه ترانسپورټي ترمنیل د جوړېدو چارې پيل شوې چې یو میلیارد او ۲۸۵ میلیونه افغانیو لګښت ورباندې کېږي.

سرپل کې ځایي مسوولین وايي، تېر لمریز کال دغه ولایت کې همکارو موسسو د نږدې ۳۴ میلیون ډالرو په ارزښت د ۴۷ ټولګټو پروژو کار پیل کړ چې له ډلې یې د څه باندې اووه میلیون ډالرو په ارزښت یو شمېر پروژې پلې شوې او پاتې نورې د پلې کېدو په حال کې دي.

بدخشان کې ځايي مسوولین وايي چې د دغه ولایت د کران او منجان ولسوالۍ په مرکز کې د ۲۸ میلیون افغانیو په لګښت د اوبو یو کانال جوړ او ګټې اخیستنې ته وسپارل شو.