بيارغونه

د ننګرهار سیمه‌ییز مسوولین وایي، د دغه ولایت بهسودو ولسوالۍ اړوند قاسم‌اباد سیمه کې د راستنېدونکو کډوالو لپاره د یوه ښارګوټي جوړولو چارې پيل شوې.

د اوبو او انرژۍ وزارت وایي، په غزني ولایت کې د ۳۵۰ زره امریکایي ډالرو په لګښټ د اوبو رسولو د یوې شبکې جوړېدو چارې بشپړې شوې او په پنجشېر کې بیا د اووه میلیونه افغانیو په لګښت د دوو پروژو چارې پیل شوې.

د مالیې وزارت وايي چې د نیمروز ګمرک اړوند د یاد ولایت د بندروالۍ لپاره د څه باندې ۵۴ میلیونه افغانیو په ارزښت د موټرو تم‌ځای د جوړولو چارې پیل شوې.

خوست کې سیمه‌ییز مسوولین وایي چې په دغه ولایت کې د یوه خیریه بنسټ له ‌خوا د ۵۰ بستریز روغتون جوړولو چارې پیل شوې او ټاکل شوې د شپږو میاشتو په موده کې بشپړې شي.

د بغلان په مرکز پلخمري ښار کې نن د روږدو ښځو او ماشومانو د درملنې په موخه ځانګړی شل ‌بستریز روغتون پرانیستل شو.

د پکتیا سیمه‌ییز مسوولین وایي، د دغه ولایت د مرکز ګردېز اړوند د رباط کډوالو ښارګوټي کې د ۳۷۵ زره امریکایي ډالرو په لګښت یو روغتیايي مرکز جوړ او ګټې اخيستنې ته وسپارل شو.

د کابل ختیځ لور مسافروړونکو وسایطو ترمینل - چې نن یې کار پیل شو- پر ۷،۳ جریب ځمکه، د ۱۶۲ میلیون افغانیو په لګښت د ۱۸ میاشتو په موده کې جوړیږي.

د بدخشان ځایي مسوولین وایي، د دغه ولایت د کران‌ومنجان او د نورستان ولایت مرکز تر منځ د غځېدلي سړک په جوړېدو سره به یاده ولسوالۍ د هېواد د شمال‌ختیځ او ختیځ ولایتونو ترمنځ پر مواصلاتي څلورلارې بدله شي او دغه راز به د خلکو پر اقتصاد هم مثبت اغېز ولري.

ځایي مسوولین وایي چې نن د کاپیسا د باغدرې برېښنا بند د امکان سنجۍ، جیوفزیک او جیوتخنیک مطالعات د عینک مسو قراردادي چینایي کمپنۍ له خوا پیل شول.

اقتصادي کمېسیون هرات کې د څه باندې یو میلیارد افغانیو په خصوصي پانګونه د «بام هرات» تفریحي کمپلېکس جوړولو طرحه تایید کړه چې د چارو په پيل سره به یې څلور زره کسانو ته د کار زمینه برابره شي.

کونړ کې فرضي کرښې ته د څېرمه ولسوالیو یو شمېر اوسېدونکي شکایت کوي چې له تېرو دوو لسیزو راهیسې دغو ولسوالیو ته هیڅ پاملرنه نه ده شوې او زیاتوي چې له هر ډول پرمختیایي چارو بې‌برخې او له ګڼو ستونزو سره مخ دي.

د ریاست‌الوزراء اقتصادي معاونیت وايي، سرپل ولایت کې د ښاروالۍ پر ځمکه د خصوصي سکټور د شاوخوا ۹۶ میلیون افغانیو په پانګونې سره پنځه پوړیز سوداګریز مارکېټ جوړېږي.