د غزني دوو ولسوالیو ته د ودانیو جوړولو چارې پیل شوې
مسوولین وایي چې د غزني اندړو او ناوې ولسوالیو لپاره د ۴۰ میلیون افغانیو په لګښت د نوو ودانیو جوړولو چارې پیل شوې.
بيارغونه
راپورونه
حقاني: جاپان کولی شي د افغانستان په بیارغونه کې رغنده رول ولوبوي
د کورنیو چارو وزارت سرپرست په افغانستان کې د جاپان له مخکني او نوي سفیرانو سره په لیدنه کې ویلي، دغه هېواد کولی شي د افغانستان په بیارغونه کې رغنده رول ولوبوي.
نورستان کې د يوولس ميلیون افغانيو په لګښت د یوه پله جوړولو چارې پیل شوې
نورستان کې سیمهییز چارواکي وایي چې د دغه ولایت د مرکز پارون اړوند په ماندي سيمه کې د يوه پله جوړولو چارې پیل شوې.
غزني ښار کې د پنځلسنیم میلیون افغانیو په لګښت د دوو پروژو چارې پیل شوې
غزني ښار کې د پنځلسنیم میلیون افغانیو په لګښت د دوو پروژو چارې پیل شوې چې د درېیو میاشتو په موده کې به بشپړې شي.
د ټولګټو سرپرست وزیر: د بامیان – غور لویې لارې بیارغولو چارې ژر پیلېږي
د ټولګټو وزارت سرپرست بامیان ولایت ته د خپل سفر په ترڅ کې ویلي چې د بامیان – غور لویې لارې د ۵۰ کیلومتره برخې بیارغولو چارې ژر پیلېږي.
ننګرهار کې له پاکستانه د جبري راستنېدونکو کډوالو لپاره د موقتي کمپ جوړېدو چارې پيل شوې
د کډوالو او بېرته راستنېدونکو چارو وزارت وایي، د ریيسالوزرا د لارښوونې پر بنسټ د ننګرهار ولایت په لعلپوري ولسوالۍ کې د تورخم له لارې جبري راستنېدونکو افغان کډوالو لپاره د موقتي کمپ جوړېدو چارې پیل شوې.
د افغانستان صرافانو شورا: د هرات زلزلهځپلو لپاره ۵۰ کورونه جوړوو
د هرات له زلزلهځپلو سره د مرستو په لړ کې د افغانستان د صرافانو شورا د ۵۰ کورونو جوړولو او د ملګرو ملتونو د پرمختیایي پروګرام زلزلهځپلو ته د خوړو چمتو کولو په موخه د څو سیمهییزو پخلنځیو جوړولو خبر ورکړی دی.
د اوبو او برېښنا وزارت سرپرست: د سمنګان د کیلی بند جوړولو چارې به ډېر ژر پیل شي
د اوبو او برېښنا وزارت سرپرست سمنګان ته په خپل سفر کې د دغه ولایت د زاړه ښار د یادګار بند بنسټ ډبره کېښوده او ټینګار یې وکړ چې د خرم و سارباغ ولسوالۍ د کیلی بند جوړولو چارې به هم ډېر ژر پیل شي.
د بغلان قومي مشرانو له حکومته په دغه ولایت کې د چکډیمونو جوړولو غوښتنه وکړه
د بغلان لسګونو قومي مشرانو په یوه غونډه کې د اوبو او برېښنا له سرپرست وزیره په دغه ولایت کې د اوبو سپما لپاره د کوچنیو بندونو جوړولو غوښتنه وکړه.
«د جام منار بیارغولو چارې به ژر پیل شي»
د غور ځایي مسوولینو دغه ولایت ته د ملګرو ملتونو د علمي او فرهنګي سازمان (یونسکو) د یوه پلاوي د سفر خبر ورکړی، وایي چې ډېر ژر به د جام منار د بیارغولو چارې پیل شي.
ګردېز ښار کې د ۳۷ میلیون افغانیو په لګښت د یوه سړک جوړولو چارې پیل شوې
پکتیا کې مسوولین وايي، د دغه ولایت په مرکز ګردېز ښار کې نن د ۳۷ میلیون افغانیو په لګښت د یوه سړک جوړولو چارې پيل شوې.
غزني کې د سلطان بند دروازې چې د رسوباتو له امله بندې شوې وې، بېرته خلاصې شوې
غزني کې سیمهییز مسوولین وایي چې د دغه ولایت د سلطان بند دروازې چې څو ورځي مخکې د خټو (رسوباتو) نيولو له امله بندې شوې وې، نن بېرته بشپړې خلاصې شوې.
هرات کې د زلزلهځپلو لپاره د څه باندې ۲۱۰۰ کورونو جوړولو چارې پيل شوې
د هرات په زندهجان ولسوالۍ کې د زلزلهځپلو لپاره د ۲۱۴۶ کورونو جوړولو کار پیل شو چې په معیاري او د ښارګوټي په ډول جوړیږي.
د اوبو او برېښنا سرپرست وزیر: په ټول هېواد کې ۱۶۴ چکډیمونه جوړېږي
د اوبو او انرژۍ سرپرست وزیر وايي، د اوبو د مدیریت په موخه په ټول هېواد کې ۱۶۴ چکډیمونه جوړېږي چې فوقالعاده بودجه هم ورته ځانګړې شوې ده.
فراه کې د تېرو جګړو له امله وران شوي سلګونه کورونه د ایاواېم په مرسته بېرته رغول کېږي
فراه کې مسوولین وايي، د دغه ولایت په بالابلوک او فراهرود ولسوالیو کې د یو میلیون او ۳۰۰ زره امریکايي ډالرو په لګښت د څه باندې دوهنیم زره هغو کورونو بیارغولو چارې پيل شوې چې په تېرو جګړو کې تخریب یا ویجاړ شوي دي.
کندهار ښار کې د ۲۰.۴ میلیونه افغانیو په ارزښت د فرعي کوڅو پخولو چارې پیل شوې
د کندهار ښاروالي وایي، د دغه ښار په بېلابېلو ناحیو کې یې د ۲۰.۴ میلیونه افغانیو په ارزښت د فرعي کوڅو کانکرېټ اچولو چارې پیل کړې او په دغه پروژه کې به شاوخوا شپږ زرو کسانو ته د کار زمینه هم برابره شي.
مسوولین: د ځینو ولسوالیو ودانیو نشتوالي خدمات اغېزمن کړي
د فاریاب ګرزیوان ولسوالۍ اداري ودانۍ جوړولو بنسټ په داسې حال کې د ۱۹ میلیون افغانیو په لګښت کېښودل شو چې د مسوولینو په خبره، ځینو ولسوالیو کې د اداري ودانیو نشتوالي خدمتونه اغېزمن کړي دي.
لغمان کې د اوبو رسولو دوو شبکو چارې بشپړې او د لسو نورو پیل شوې
د لغمان سیمهییزمسوولین وایي، د دغه ولایت په مرکز او پنځهګونو ولسوالیو کې د پاکو اوبو رسولو دوه سولري شبکې ګټې اخیستنې ته وسپارل شوې او د اوبو رسولو لسو نورو شبکو چارې پیل شوې.
د لوګر برهکي برک ولسوالۍ کې د ایمرجنسي روغتیايي مرکز ودانۍ ګټې اخیستنې ته وسپارل شوه
د لوګر برهکي برک ولسوالۍ د ایمرجنسي روغتیايي مرکز ودانۍ جوړه او ګټې اخیستنې ته وسپارل شوه.
د اوبو او برېښنا سرپرست وزیر: سرپل کې د سلطان ابراهیم درې بند جوړولو چارې به ژر پیل شي
د اوبو او انرژۍ وزارت سرپرست ملا عبداللطیف منصور سرپل ته په خپل سفر کې ویلي، له تخنیکي سروې وروسته به په دغه ولایت کې د ۲۰۰ میلیون امریکايي ډالرو په لګښت د سلطان ابراهیم درې بند د جوړولو عملي چارې پیل شي.
اروزګان کې نږدې شپږنیم زره کسانو د څښاک پاکو اوبو ته لاسرسی پیدا کړ
د اروزګان ولایت په مرکز ترینکوټ او چورې ولسوالۍ کې د څه باندې ۱۸ میلیون افغانو په لګښت د څښاک اوبو رسولو دوې شبکې ګټې اخیستنې ته وسپارل شوې.
بامیان کې د ضحاک تاریخي او لرغوني ښار بیارغولو چارې پیل شوې
بامیان کې ځایي مسوولین وایي، د دغه ولایت د ضحاک لرغوني ښار چې د ملګرو ملتونو (یونسکو) په علمي او کلتوري سازمان کې هم ثبت دی، د بیارغولو چارې پيل شوې دي.
د لوګر برهکي برک ولسوالۍ ته د برېښنا مزي غځولو چارې پيل شوې
لوګر کې چارواکي وایي، د کورنیو چارو وزارت د شاوخوا ۲۰ میلیون افغانیو په لګښت د دغه ولایت برهکي برک ولسوالۍ ته د برېښنا مزي غځولو چارې پیل شوې.
د جبلالسراج سمنټو پروژې ۲۲۰ میلیون ډالري تړون لاسلیک شو
د افغانستان د کانونو او پټرولیم وزارت د قطر له یوه خصوصي شرکت سره د ۲۲۰ میلیون ډالرو په ارزښت د پروان ولایت د جبلالسراج سمنټو پروژې تړون لاسلیک کړ.
