کورنیو چارو وزارت وایي، د اېټالیا سفیرې د دغه وزارت د نشهيي توکو پروړاندې د مبارزې له معین سره په لیدنه کې، افغانستان کې د کروندګرو لپاره د بدیل معیشت او روږدو کسانو درملنې برخو کې د همکارۍ ډاډ ورکړ.
د امریکا متحده ایالتونو د کندهار ښار ځانمرګی برید غندلی، بل خوا داعش ډلې د یاد برید مسوولیت پر غاړه اخیستی دی.
خوست کې د وژل شوي ډاکټر د کورنۍ غړي او خپلوان له سرپرست حکومته غوښتنه کوي چې د هغه قاتلينو ته دې سخته سزا ورکړل شي.
د پکتيا امنيتي مسوولين وايي، د دغه ولایت مرکز ګردېز ښار کې شاوخوا ۳ زره ټابليټ کا، ۵۰ کيلوګرامه چرس او يو کيلوګرام شيشه کشف او ترلاسه شوي.
د افغانستان کورنیو چارو وزارت د کندهار ښار د لومړۍ امنیتي حوزې په مربوطاتو کې د ځانمرګي برید غندلو ترڅنګ ډاډ ورکوي چې عاملین به یې پیدا او د قانون منګولو ته وسپاري.
فاریاب کې امنیتي سرچینې وايي، د دغه ولایت په پشتونکوټ، قرمقول او قیصار ولسوالیو کې درېیو جلا پېښو له امله د یوې شپاړلس کلنې نجلۍ په ګډون دوه کسان مړه شوي او یو بل ټپي شوی دی.
د غزني امنیتي مسوولین وایي، د دغه ولایت مرکز کې هغه نهه کسیزه ډله نیول شوې چې په ښار کې به یې غلاوې کولې.
د فراه امنیه قومانداني وايي چې په بکوا ولسوالۍ کې ۳۶۰۰ کیلوګرامه بېلابېل نشهيي توکي کشف او له منځه وړل شوي دي.
د کورنيو چارو وزارت وايي چې امنیتي ځواکونو په تخار کې یوه نهه کلنه نجلۍ د تښتوونکو له منګولو ژغورلې او د تښتونې په تړاو یې دوه کسان هم نیولي دي.
د ننګرهار امنيتي مسوولين وايي، د دغه ولايت په بټيکوټ ولسوالۍ کې يوه ځوان ځانوژنه کړې ده.
نن سهار د کندهار ښار لومړۍ امنیتي حوزې اړوند د نوي کابل بانک مخې ته ځانمرګی برید شوی چې درې کسان په کې وژل شوي او ۱۲ نور ټپیان شوي دي.
د ملي دفاع وزارت، د وضعیت ارزونې په موخه پکتیا ولایت ته د وسله وال پوځ د لوی درستیز مرستیال د سفر خبر ورکړی دی.
بغلان کې امنیتي مسوولین وایي چې د دغه ولایت په مرکز پلخمري ښار کې یې د امنیتي کامرو لګولو لړۍ پیل کړې او وروسته به ولسوالیو ته هم دغه پروسه وغځول شي.
د ننګرهار په خوږياڼو او هسکې مېنې ولسواليو کې د څلورو کورنیو ترمنځ شخړو کې پنځه کسان ټپيان شوي دي.
د پکتیا د ډنډپټان ولسوالۍ حکومتي مسوولین وايي چې د افغان او پاکستاني ځواکونو ترمنځ د جګړې له امله د دې ولسوالۍ له سرحدي سیمو څه باندې ۵۰۰ کورنۍ نورو سیمو ته کډه شوې دي.
د ننګرهار امنيتي چارواکي وايي چې د دغه ولایت نازيانو ولسوالۍ کې د يوه پخواني ماين چاودنې له امله دوه ماشومان وژل شوي دي.
د خوست امنیه قومانداني وایي، د دغه ولایت په اسماعیلخېلو مندوزیو ولسوالۍ کې ناپېژانده کسانو دوه تنه په ډزو وژلي دي.
د کندهار امنیتي مسوولین وایي، د دغه ولایت په ارغستان ولسوالۍ کې یوې ښځې ځانوژنه کړې ده.
د ننګرهار امنیه قومانداني وايي، په دغه ولایت کې د یوې ښځې د ځانوژنې په بدل کې بله ښځه د خسرګنۍ له لوري وژل شوې ده.
د پکتيا امنيه قومانداني وايي چې د دغه ولایت په ځاځي اریوب ولسوالۍ په یوه موټر کې بار ۵۰ کیلوګرامه نشهيي توکي کشف او ترلاسه شوي دي.
د ننګرهار امنیه قومانداني وايي، د دغه ولايت ګوشتې ولسوالۍ کې د دوو کورنيو ترمنځ نښته کې څلورو کسانو ته مرګژوبله اوښتې ده.
یوه حکومتي سرچینه وايي چې د پاکستان ځواکونو د ډزو له امله په ډنډپټان ولسوالۍ یو کس وژل شوي او څلور نور ټپیان دي.
د هلمند امنیتي مسوولین وایي چې د دغه ولایت په سنګین، باغران او خانشین ولسوالیو کې سلګونه کیلوګرامه نشهیي توکي کشف او له منځه یووړل شول.
بامیان امنیتي سرچینې وایي چې د روان کال په ترڅ کې د جنایي جرمونو په تور ۳۸۶ کسان نیول شوي او د نشهیي توکو د تولید څو کارخونې له منځه وړل شوې دي.
