ټولنه

د لوګر د امر بالمعروف، نهي عن‌المنکر او شکایتونو اورېدو ریاست مسوولین وايي چې د دغه ولایت په مرکز پل‌علم کې د دوو دښمنو کورنیو ترمنځ روغه جوړه وشوه.

د اطلاعاتو او فرهنگ وزارت، یو شمېر اوسنیو او پخوانیو چارواکو، سیاستوالو، لیکوالانو، فرهنګیانو او د کرکټ یو شمېر مشهورو لوبغاړو، د ولسي او حماسي شاعر مطیع‌الله تراب پر ناڅاپي مړینه ژوره خواشیني څرګنده کړې او د هغه مړینه یې د هېواد د ادبي ټولنې لپاره ستره ضایعه بللې ده.

بادغیس کې ۱۵۰ ځوانانو د تخنیکي او حرفوي زده‌کړو له شپږمیاشتنۍ دورې فارغ شول؛ یو شمېر فارغ شوي د بېکارۍ له امله د ځوانانو د کډوال کېدو مخنیوي لپاره د دغه ډول پروګرامونو ډېرېدو غوښتنه کوي.

په کابل ښار کې د ځمکې لاندې اوبو کچې په بې‌ساري ټیټېدو سره د چاپېریال‌ساتنې برخې کارپوهان خبرداری ورکوي چې کابل ښار ته د پنجشېر د اوبو لېږدولو پروژه کې ځنډ به پلازمېنه د اوبو له سخت کمښت سره مخ کړي؛ خو د اوبو او انرژۍ وزارت وایي چې د دې پروژې تخنیکي مطالعات، سروې او ډیزاین بشپړ شوي او د منظورۍ په موخه د اسلامي امارت مشرتابه ته استول شوې ده. 

په میدان‌وردګو ولایت کې د ناوړه دودونو مخنیوي په موخه ولسي غونډه جوړه شو او ګډونوالو یې ټینګار وکړ چې ناسم دودونه باید د حکومت او ولس په ګډو هڅو له منځه یووړل شي.

په غور کې سیمه‌ییزې سرچینې وايي، د دغه ولایت په دولت‌یار ولسوالۍ کې د دوو قومونو ترمنځ سل کلنه دښمني چې د ځمکې د مالکیت پر سر رامنځته شوې وه، له کلونو راهیسې له بې‌پایلې هڅو وروسته، د سترې محکمې د وروستۍ پرېکړې له مخې پای ته ورسېده.

نن په کابل کې د تېر حکومت يو شمېر هغو کسانو ته چې په دې وروستيو کې هېواد ته راستانه شوي، د خونديتوب کارتونه ورکړل شول او چارواکو په دې اړه جوړه شوې ناسته کې په بهر کې له مېشتو نورو افغانانو هم وغوښتل چې په ډاډ سره خپل هېواد ته راستانه شي.

د خوړو نړۍوال پروګرام وايي، په روان اوړي کې په افغانستان کې نږدې ۱۰ میلیونه کسان خوراکي مرستو ته اړتیا لري خو دغه بنسټ یوازې یو له میلیون کسانو سره مرسته کولای شي.

په تېرو نږدې څلورو کلونو کې د حکومت له‌ خوا په ټول هېواد کې څه باندې ۱۸۲ زره کسان د حرفوي، تخنیکي او مسلکي زده‌کړو له مرکزونو فارغ شوي؛ مسوولین دغه پروګرامونه د بېکارۍ راکمولو لپاره مهم ګام بولي، خو شنونکي ټینګار کوي چې یوازې زده‌کړې کافي نه دي، بلکې باید فارغانو ته د کار دوامداره فرصتونه هم برابر شي.

د ارشاد، حج او اوقافو وزارت وايي چې له افغانستانه سعودي عربستان ته د عمره‌کوونکو د تلو لړۍ پیل او نن یې لومړۍ الوتنه ترسره شوه.

کابل (پژواک، ۱۳ چنګاښ ۱۴۰۴): له ایرانه د افغان کډوالو د بهیر په چټکېدو سره یو خیریه بنسټ د هرات په اسلام‌کلا بندر کې هره ورځ پنځه‌زره راستنېدونکو کډوالو ته چمتو شوي خواړو او معدني اوبه وېشي.

د غزني ولایت د مرکز اړوند د یو شمېر سیمو اوسېدونکي وایي چې لا هم په خپلو ورځنیو چارو کې له شخصي برېښنا ګټه اخلي چې په لوړه بیه ورته تمامېږي او غوښتنه کوي چې وارداتي برېښنا دې ورکړل شي.