لوګر کې د ناوړه دودونو د مخنیوي په موخه ولسي غونډه جوړه شوه او ګډونوالو یې ټينګار وکړ چې ناوړه دودونه یوازې د حکومت په هڅو له منځه نه ځي، بلکې ولس هم باید په دې برخه کې فعاله ونډه واخلي.
د فراه ولایت سیمهییز چارواکي وايي چې د دغه ولایت په درې ولسوالیو کې له څه باندې ۳۲۰۰ اړمنو کورنیو سره د خوراکي توکو مرسته شوې ده.
غزني کې ۶۸ نوي ځوانان چې ځیني یې په جبري ډول له ایران څخه را ایستل شوي وو، د کار او ټولنیزو چارو ریاست د حرفوي زدهکړو له شپږ میاشتني پروګرامه فارغ او د کار وسایل ورکړل شول.
د اروزګان یو شمېر اوسېدونکي اندېښنه لري چې په مرکز ترینکوټ او ځينو ولسوالیو کې تاریخي ابدات او سیمې د غصب او له منځه تلو له ګواښ سره مخ دي خو مسوولین وايي، د ساتنې سربېره یې بیارغونه هم کوي.
د اروزګان د مرکز ترینکوټ ښار په ۱۵ کیلومترۍ کې د ګرماب او چنار سیمو اوسېدونکي شکایت کوي چې روغتیايي، تعلیمي او نورو خدماتو ته د لاسرسي برخه کې له ستونزو سره مخ دي.
د بلخ په مارمل ولسوالۍ کې «پسته مزار» سیمه چې په دې وروستیو کې پر یو تفریحي ځای بدله شوې، د پسرلي په راتلو سره اوس هره ورځ سلګونه کسان ورځي خو هلته د هغوی لپاره امکانات او اسانتیاوې نشته.
د احصایې او معلوماتو ملي اداره وایي، د تېر لمریز کال په اوږدو کې افغانستان ته د هوايي ډګرونو او ځمکنيو بندرونو له لارې څه باندې ۳۴ زره بهرنیو وګړو تګ راتګ کړی دی.
د پکتیا د احمدخېلو او ډنډپټان ولسوالیو اوسېدونکي وايي چې د ژوند ډېرو لومړنیو اسانتیاوو ته سم لاسرسی نه لري او له حکومته غواړي چې ستونزو ته یې رسېدنه وکړي.
ننګرهار کې سیمهییز مسوولین وایي، له پاکستانه د افغان کډوالو د جبري ایستلو دویمې لړۍ له پیل سره سم په تېرو درېیو ورځو کې د تورخم له لارې شاوخوا زر کورنۍ راستنې شوې دي.
د لغمان ولایتي مسوولین وایي، تېر یوه کال کې په مرکز او ولسوالیو کې د قومي مشرانو او دیني علماوو په منځکړيتوب د دښمنۍ ۱۶۳ نوې او د لسګونو کلونو پخوانۍ قضیې حل او فصل شوې دي.
په غور کې د سبزار په نوم یوه دردمنه مور چې د بېوزلۍ له امله یې خپله ۱۱ کلنه لور د پنځه سوه زره افغانیو پور په بدل کې کوژدې ته مجبوره کړې وايي، دغه کار یې د نورو اولادونو د ژوندي پاتې کېدو په موخه کړی دی.
د بلخ د چهاربولک او چاهي ولسوالیو یو شمېر اوسېدونکي د مزارشریف – کلفت بندر ترمنځ د غځیدلي سړک له خرابوالي شکایت کوي او له حکومته یې د جوړولو غوښتنه کوي.
د ننګرهار د مرکز جلالاباد ښار اړوند «کابل کمپ» سيمه کې د شاوخوا ۳۰۰ کورنۍ ماشومان او لویان د یوه جومات له څاه څخه اوبه وړي، خو له دې څاه یوازې په شین اسمان د لمریزې برېښنا په واسطه اوبه را ایستل کېږي.
ځینې سرچینې وايي، نیمروز د وچ او بیاباني اقلیم په درلودو سره تل د اوبو له کمښت سره مخ دی، خو د وروستیو دوو کلونو وچکالیو د دغه ولایت د مرکز او ځینو ولسوالیو کروندګر او مالداران سخت زیانمن کړي او ان د هغوی د بېځایه کېدو لامل شوي دي.
د کونړ د مرکز اسعداباد ښار یو شمېر اوسېدونکي شکایت کوي چې په ښار کې د ډېرې ګڼېګوڼې او بېنظمۍ له امله نه شي کولای خپلو ورځنیو چارو ته سمه رسېدنه وکړي.
د بغلان د اوو ولسوالیو اوسېدونکي شکایت کوي چې له پلخمري ښار سره د ولسوالیو نښلوونکې لارې خرابې دي او ان ځيني وخت بېړني ناروغان یې روغتون ته پر لاره خپل ژوند له لاسه ورکوي.
د کار او ټولنیزو چارو وزارت اعلان کړی چې د کوچني اختر په مناسبت به دولتي ادارې د شوال میاشتې له لومړۍ نېټې چې د اختر له لومړۍ ورځې سره برابره ده، بیا د دې میاشتې تر درېیمې پورې رخصت وي.
د فراه سیمهییز مسوولین وايي، د دغه ولایت په بکواه او ګلستان ولسوالیو کې له ۸۵۰ سیلابځپلو کورنیو سره مرسته وشوه.
د اسټرالیا بهرنیو چارو وزارت اعلان کړی چې دغه هېواد له افغان ښځو او نجونو د ملاتړ لپاره پنځه میلیون امریکايي ډالر ځانګړي کړي دي.
د ټولګټو وزارت وايي چې د سالنګ لویه لار نن سهار له دواړو لورو د مسافروړونکو موټرو پر مخ پرانیستل شوه.
د پروان سیمهییز مسوولین وایي، په دغه ولایت کې د دوو کورنیو ترمنځ درې کلنه دښمني په دوستۍ بدله شوه.
د پکتیا د کار او ټولنیزو چارو ریاست مسوولین وايي، د دغه ریاست د حروفوي زدهکړو له مرکز څخه ۲۲۰ ځوانان پنځو بېلابېلو حرفو کې له شپږ میاشتنیو زدهکړو وروسته فارغ شول.
کوژدنو ته د اختري (خوانچه عید) وړل د هېواد په یو شمېر ولایتونو، په ځانګړې توګه هرات کې یو پخوانی دود پاتې دی؛ سږ کال هم د کوچني اختر په درشل کې په دغه ولایت کې د «اختري» اړوند توکو بازار تود دی، خو کوژده شوي ځوانان وايي، د اقتصاد د خرابوالي له امله نه شي کولای دغه دود ترسره کړي.
د ناروې د کډوالو شورا وایي، د مرستو کمښت به افغانستان کې بشردوستانه خدمات محدود او میلیونونه خلک زیانمن کړي خو دغه شورا له بېځایه شوو ښځو، نارینهوو او ماشومانو سره د مرستو په موخه افغانستان کې پاتې کېږي.
