د لغمان د الینګار ولسوالۍ یو شمېر دیني عالمان او قومي مشران وایی، په دې ولسوالۍ کې یې د ناوړه دودونو د مخنیوي په موخه یوه دوولس کسیزه باصلاحیته قومي کمېټه جوړه کړې ده.
لوګر کې د افغاني سرې میاشتې ټولنې مسوولین وایي چې د دغه ولایت په مرکز پلعلم او څرخ ولسوالۍ کې له ۳۵۰ بېوزلو او اړو کورنیو سره د کوچنیو تجارتونو د پيل لپاره نغدي مرسته وشوه.
د ملګري ملتونو له ماشومانو د ملاتړ صندوق (یونیسف) وایي چې په ۲۰۲۴ زېردیز کال کې یې په افغانستان کې ۶۸۸ زره کسانو ته د څښاک پاکې اوبه برابرې کړې دي.
د احصایې او معلوماتو ملي اداره وايي، تېر کال یې هېواد کې څه باندې دوه میلیون او ۶۰۰ زره کسانو ته الکترونیکي تذکرې وېشلې دي.
د اروزګان یو شمېر اوسېدونکي وايي، د دغه ولایت په مرکز ترینکوټ کې د «ماشیناب» پول چې د چهارچینو او ګېزاب ولسوالیو ترڅنګ د دایکندي ولایت خلک هم تګ راتګ پرې کوي، سخت زیانمن شوی او که ونه رغول شي، وبه نړېږي.
سیمهییز مسوولین وایی، په فراه او لوګر ولایتونو کې له څه باندې نهه زره کورنیو سره د خوارکي توکو او نغدو پیسو مرستې وشوې.
د اوبو نړیوالې ورځې سره هممهاله د پلازمېنې کابل یو شمېر اوسېدونکي د ځمکې لاندې اوبو کچې پر ټیټېدو او د څښاک اوبو ته پر نه لاسرسي اندېښنه څرګندوي او له سرپرست حکومته غواړي چې د اوبو رسولو یو منظم سیسټم رامنځته کړي.
د اوبو او برېښنا وزارت په افغانستان کې د سره صلیب نړیوالې کمېټې استازولۍ هغه راپور رد کړی چې په کې ویل شوي، په افغانستان کې ۳۳ میلیونه کسان د څښاک پاکو اوبو له کمښت سره مخ دي.
د تورخم دروازه نن سهار د تګ راتګ په موخه پرانیستل شوه خو مسوولین وايي چې د ګڼې ګوڼې له امله به یوازې بېړنیو ناروغانو ته د تګ راتګ اجازه ورکړل شي.
د غزني او پکتیکا ولایتونو د مېشتو عليزو او بدینخېلو قومونو ترمنځ ۱۳ کلنه دښمني د سیمهییزو مسؤلینو، علماوو او قومی مشرانو په منځګړیتوب پای ته ورسېده.
د ننګرهار ولایت امنیتي چارواکي وايي، تورخم کې پاکستان اړخ ته د پلټنې د ځینو وسایلو بیارغونې چارې نه دي بشپړې شوې، نو ځکه به لاره هم نن د ناروغانو او مسافرو پر مخ نه پرانیستل کېږي.
نرګس هغه نجلۍ چې په یوه خصوصي ښوونځي کې صفاکاري کوي، له بېوزلۍ او فقر شکایت لري او وایي، پر څلور زره افغانۍ تنخوا په ډېرې سختۍ سره ژوند تېروي، له شتمنو کسانو غوښتنه کوي څو ورسره مرسته وکړي.
د اوبو او انرژۍ وزارت وایي، د کرنې او صنعتي برخو کې د ځمکې لاندې له اوبو ناسمه استفاده او د تغذیوي سرچینو محدودېدل د دې لامل شوي چې روان لمریز کال د هېواد په ځینو ولایتونو کې د ځمکې لاندې اوبو کچه له یو څخه تر پنځو مترو پورې ټیټه شي.
د ننګرهار د اطلاعاتو او فرهنګ ریاست مسوولین وايي، ټاکل شوې چې تورخم دروازه نن ماذیګر څلور بجې د ترانزیټي موټرو او د راتلونکې جمعې په ورځ د عامو خلکو د تګ راتګ پر مخ پرانیستل شي.
سیمهییز مسوولین وايي چې په اروزګان او هلمند ولایتونو کې له څه باندې ۹۰۰۰ اړمنو کورنیو سره د خوراکي توکو او نغدو پیسو مرسته وشوه.
د ننګرهار ولایت د شهیدانو او معلولینو چارو ریاست مسوولین وایي چې روان لمریز کال په دغه ولایت کې نږدې ۲۰ زره کونډو، یتیمانو او معلولینو ته ۹۶۷ میلیونه افغانۍ میاشتني حقوق ورکړل شوي دي.
په تورخم کې د افغانستان او پاکستان د سوداګرۍ خونو ترمنځ د تورخم دروازې د خلاصون په موخه نن ګډه جرګه ترسره شوه چې دواړو لوريو په کې د لارې د خلاصون په موخه خپل نظريات وړاندې کړي دي.
غور کې یوه مور چې د ژوند ۲۵ کاله یې د خپلو درېیو فلج اولادونو په پالنه کې تېر کړي وايي، د اولادونو درملنه یې شونې ده، خو پیسې نه لري درملنه یې وکړي؛ هغه له حکومت او نورو مرستهکوونکو غواړي څو مرسته ورسره وکړي.
کابل ښار کې د څلورو یتیمو اولادونو مور مرسل چې له اقتصادي ستونزو او بېوزلۍ کړېږي، له شتمنو خلکو او مرستندویه بنسټونو غواړي چې د روژې په میاشت کې له دوی او نورو اړمنو کسانو سره مرسته وکړي څو د روژهماتي پر مهال د خوراک لپاره یو څه ولري.
د کوچني اختر په رارسېدو سره د ننګرهار په مرکز جلالاباد ښار کې د خياطانو کاروبار ښه شوی خو خلک غوښتنه کوي چې اړوندې ادارې باید د خیاطانو پر نرخونه جدي څارنه وکړي.
د بلخ ولایت د اوبو ژرندو یو شمېر مالکان وایي چې د اوبو کموالي له امله یې کاروبار کمرنګه شوی او له حکومته غواړي څو د بندونو، چکډیمونو او کانالونو جوړولو سره اوبه مدیریت کړي.
کابل کې د ترافیک پولیسو عمومي ریاست وايي چې د اسلامي امارت د مشرتابه د فرمان پر اساس، د نقلیه وسایطو د باقيدارۍ معافیت اوس هم پر خپل ځای دی.
د کډوالۍ نړۍوال سازمان (IOM) د اروپایي ټولنې په مالي مرسته د ۲۰۲۳ کال له وروستیو تر اوسه د راستنو شوو او په زلزلو کې د زیانمنو په ګډون له ۲۰۰ زره افغانانو سره بېړنۍ بشري مرستې کړې دي.
د غور د والي ویاند وايي چې تېر میلادي کال په دغه ولایت کې د جرګو او منځګړیتوب له لارې ۲۱ اختلافي قضیې حل شوې او دغه ډول ډېرې نورې قضیې هم شته چې هواري ته اړتیا لري.
