احمدفرزام

د بدخشان د جرم – بهارک سړک یو شمېر موټرچلوونکي او مسافر وایي چې دغه سړک په څو برخو کې د تخریبېدو په حال کې دی او له مسوولینو غواړي چې د دې لارې بیارغونې ته پام وکړي.

بدخشان کې ځايي مسوولین وایي، د دغه ولایت په جرم ولسوالۍ کې د سېلابونو راوتلو له امله لسګونه څاروي تلف شوي، کرنیزې ځمکې، یو کوچنی د برېښنا بند او د اوبو کانالونه ویجاړ شوي دي.

د بدخشان روغتیايي مسوولین وایي، د دغه ولایت په مرکز فیض‌اباد ښار کې د ولایتي روغتون نسایي ولادي ۶۰ بستریز وارډ چې د نړۍوال روغتیایي سازمان له خوا تمولېده، خپل فعالیت درولی دی.

د بدخشان ځایي مسوولین وایي، یو ۱۸ کلن ځوان چې تازه له ترکیې څخه هېواد ته راغلی و، د دغه ولایت په کوکچې سیند کې د لامبو وهلو پر مهال ډوب او مړ شوی دی.

د بدخشان د اطلاعاتو او فرهنګ رييس چې د ورېښمو لارې د څارنې په موخه د يوه ټیم په مشرۍ د کوچني پامیر دره او غجیر سیمې ته تللى وايي،‎ د ورېښمو د تاريخي لارې جوړېدو چارې د چين او افغانستان ترمنځ صفري نقطې ته رسېدلې دي.

بدخشان کې ځایي مسوولین وايي، د فیض‌اباد – تخار لویه ‌لار چې د بدخشان د ارګو ولسوالۍ په څو ځایونو کې د وسایطو پر مخ تړل شوې وه، په یو خط کې بېرته پرانیستل شوه.

د بدخشان مسوولین وايي چې د دغه ولایت په شهر بزرګ ولسوالۍ کې د خوارځواکۍ درملنې مرکز جوړ شو او د پرسونل او طبي تجهیزاتو په درلودو دې ته چمتو دی چې پر خوارځواکۍ اخته ماشومان ومني.

بدخشان کې د امو په نوم یوې سیمه‌ییزې راډیو د ارشیف چت لوېدو له امله د راډیو یو شمېر تخنیکي تجهیزات او وسایل خراب شوي او له کاره لوېدلي دي.

بدخشان کې ځايي مسوولین وايي چې تېره شپه د دغه ولایت د مرکز په مربوطاتو کې د سخت باران او سېلاب راتلو له امله د یوې کورنۍ ۱۰ غړي مړه شوي دي.

بدخشان کې ځايي مسوولین وايي چې د دغه ولایت په ارغستان ولسوالۍ کې د غرښویېدنې له امله ۱۵ کورونه په بشپړ ډول ویجاړ شوي او ۲۶ نور له ګواښ سره مخ دي، خو چا ته په‌کې مرګ‌ژوبله نه ده اوښتې.

اووه چیني ګرځندویان چې د په زړه‌پورو ځایونو لیدو په موخه یې بدخشان ولایت ته سفر کړی، د مسوولینو او خلکو له چلند او د امنیت له ټینګښته خوښي څرګندوي.

بدخشان کې ځايي مسوولین وايي، د دغه ولایت د ارغنجخواه ولسوالۍ په مربوطاتو کې د سېلابونو راوتلو له امله د فیض‌اباد – بهارک لویه لار د ترافیکو پر مخ تړل شوې ده.