احمد صهیب حسرت

په هېواد کې له سیاسي بدلون را وروسته د کابل ښار د اوولسمې ناحیې برېښنايي تذکرو د وېش څانګې څه باندې ۴۲زره تذکرې وېشلې او له دغه مدرکه یې ۱۴ میلیونه افغانۍ عواید راټول کړي دي.

د کابل امنیه قومانداني وایي، د خېرخانې کوتل په يوه جومات کې د چاودنې له امله ٢١ کسانو خپل ژوند له لاسه ورکړى او ٣٣ نور ټپيان شوي دي.

د مالیې وزارت وايي، هېڅ سوداګريز شرکت حق نه لري چې خپل وارداتي توکي د بل شرکت په نوم ګمرک ته داخل کړي.

د ریاست‌الوزرا اداري مرستیال مولوي عبدالسلام حنفي د اروپایي ټولنې شارژدافیر سره د مخه‌ښې کتنې پرمهال ویلي چې د افغانستان سرپرست حکومت د اروپایي ټولنې په ګډون له ټولو هېوادونو سره مثبتې اړیکې او ښه تعامل  غواړي.

د چارو اداره وایي، دولتي کارمندان باید له دې وروسته د بهرنیو چارو وزارت له خوا د سفر تایید او خپل اړین اسناد د ریاست الوزراء مقام ته د موافقې لپاره وړاندې کړي.

کابل (پژواک، ۲۴ زمری ۱۴۰۱): زلمی خلیلزاد په داسې حال کې وايي چې د دوحې تړون په افغانستان د جګړې د پای ته رسېدو لامل

شنونکي د افغانستان د سرپرست حکومت د یو کلنو لاسته راوړنو او ننګونو او پر وړاندې یې د نړۍوالې ټولنې کړنو ته په پام‎ بېلابېل نظرونه لري او ټینګار کوي چې حکومت باید د وضعیت ښه کېدو ‎لپاره د خلکو د ملاتړ راجلبولو ترڅنګ له نړۍ سره د تعامل لپاره لازم اقدامات وکړي.

د کار او ټولنیزو چارو وزارت وايي، سبا دوشنبه په افغانستان کې د نوي سرپرست حکومت د واکمنېدو د کلیزې په مناسبت عمومي رخصتي ده.

د افغانستان د بهرنیو چارو وزارت وایي، د هند دغه ګام ستايي چې غواړي په کابل کې د خپل سفارت د ډیپلوماتيکې استازولۍ کچه لوړه کړي او له دغه کار سره به د ھند او افغانستان اړیکې لا وغوړېږي.

د افغانستان د المپیک ملي کمېټې مشر نظرمحمد مطمین د اسلامي هېوادونو پیوستون لوبو په څنډه کې، د ترکیې ولسمشر رجب طیب اردوغان ته د افغانانو په استازولۍ د ښه نیت ډالۍ ورکړې ده.

د پاسپورټ ریاست هره ورځ ۴۰۰۰ پاسپورټونه وېشي، خو بیا هم – له دې امله چې سلګونه زره کسانو ورته نوم‌لیکنه کړې- د پاسپورټ ترلاسه کول میاشتې وخت نیسي.    

کابل (پژواک، ۱۸ زمری ۱۴۰۱): د افغانستان د ځغاستې ملي لوبډلې لوبغاړي شاه‌محمود نورزي د اسلامي هېوادونو یووالي په سیالیو کې د نیمه پای‌لوبې پړاو