ایمل رحیمی

ځایي سرچینې وايي، پرون مازدیګر د پنجشېر په رخه ولسوالي کې سېلابونو زرګونه جریب کرنیزه ځمکه، د اوبو ډېری کانالونه، د برېښنا واړه بندونه، پلونه او پلچکونه ویجاړ کړي دي.

د پنجشېر د کرنې او مالدارۍ ریاست وايي په دغه ولایت کې د تېر کال په پرتله د غنمو په حاصلاتو کې ۴۶،۵ سلنه ډېروالی راغلی خو کروندګر د دغه ریاست له مرستې د خوښۍ څرګندولو ترڅنګ، دوی ته د لا ډېرو اصلاح شوو تخمومو د وېش غوښتنه کوي.

د پنجشېر د کانونو ریاست اعلان کړی چې په ۲۱مه داوطلبۍ کې د دغه ولایت له کانونو استخراج شوي ۳۹۷۷ قیراطه زمرد په ۱۲۴ زره و ۶۰۰ امریکايي ډالرو وپلورل شول.

د پنجشېر ځايي مسوولین په دغه ولایت کې د ۲۵ لوبډلو ترمنځ د والیبال سیالیو د اوړي ټورنمنټ له پیلېدو خبر ورکوي.

د پنجشېر د اطلاعاتو او فرهنګ ریاست وایي چې کابل ته د دغه ولایت د سیند اوبو د انتقال پروژې سروې چې د روان کال د وري میاشتې په ۱۱مه پیل شوې وه، تېره ورځ بشپړه شوه.

د پنجشېر عمومي سړک تېره شپه د دغه ولایت په شتل ولسوالي کې د سېلابونو راتلو له امله د ترافیکو پر مخ تړل شوی دی.

پنجشېر کې د شخړو حل کمېټه وايي چې د دوو کورنیو ترمنځ ۲۲ کلنه دښمني د ځايي مسوولینو، علماوو او قومي مشرانو په منځګړیتوب پای ته ورسېده.

په ۱۹مه داوطلبۍ کې د پنجشېر له کانونو استخراج شوي ۳۲۱۵.۴ زمرد په ۱۷۶ زره او ۸۶۰ زره امریکايي ډالرو وپلورل شول.

د پنجشېر د پوهنې ریاست شمېرې ښيي چې د دغه ولایت په مرکز او اوو ولسوالیو کې د نجونو او هلکانو په ګډون ۹۴۳۸ ماشومان په ښوونیزو کورسونو، تسریعي ټولګیو او سیمه‌ییزو مدرسو کې پر زده‌کړو بوخت دي.

ځایي مسوولین وایي چې په سمنګان، سرپل او پنجشېر ولایتونو کې پر څه باندې ۴۰۰ جریب ځمکه کرل شوي کوکنار له منځه وړل شوي دي.

د پنجشېر ملي راډیو ټلوېزیون په سیمه‌ییزه کچه خپرونې پیل کړې او د دغه ولایت والي په دې اړه جوړو شوو مراسمو کې وویل چې د رسنیو پیاوړتیا او کاري ساحې د ډاډمنتیا لپاره يې هڅې دوام لري.

پنجشېر کې مسوولین وايي چې د دغه ولایت د ابشار او درې ولسوالیو د ځینو سیمو لارې په خوړونو کې د اوبو راپورته کېدو له امله تړل شوې دي.