سهراب سروري

د معلولینو نړۍوالې ورځې (د ډسمبر ۳مه) سره همهاله په کابل کې د سره صلیب روغتون رییس وایي چې په افغانستان کې هر کال د سره صلیب نړۍوالې کمېټې په اوو مرکزونو کې له ۱۶ تر ۱۸ زره پورې نوي معلولین ثبتیږي.

د اسلامي همکاریو سازمان وايي چې د دغه سازمان استازي طارق علي بخیت او د افغانستان لپاره د برېټانیا ځانګړي استازي اندي مک کوبري له اسلامي امارت سره د تعامل د پیاوړتیا په اړه خبرې کړې دي.

د ایران بهرنیو چارو وزارت روانه اونۍ په دغه هېواد کې د اقتصادي همکاریو سازمان (اکو) غړو هېوادونو د بهرنیو چارو وزیرانو اته‌ویشتمې ناستې له جوړېدو خبر ورکوي.

د ملګرو ملتونو مرستندوی دفتر (یوناما) د بغلان په نهرین ولسوالۍ کې پر «عبادت‌کوونکو» برید غندلی او ویلي یې دي چې د دې پېښې بشپړه څېړنه دې وشي.

د پوهنې وزارت د کیفیت د تضمین مرستیال د کابل له عربي دارالعلومه د لسګونو کسانو فراغت‌غونډه کې ویلي چې ښوونځيو او مدرسو کې دې په عصري او دیني زده‌کړو کې د کمیت په نسبت تر ډېره پر کیفیت تمرکز وشي.

ستره محکمه وایي چې غزني ولایت کې د يوې ښځې په ګډون دوو کسانو ته د نامشروع اړيکو په جرم په عام محضر کې تعزیري سزا ورکړل شوې ده.

له پېښو سره د مبارزې د چمتووالي ملي اداره وايي چې سږ کال تر اوسه پورې په ټول هېواد کې له لږ تر لږه ۱۳۰ زره کورنیو سره مرسته شوې ده.

د افغانستان د ټولګټو وزارت وايي چې د دغه وزارت د اوسپنې پټلۍ مرستيال د ازبکستان پلازمېنه تاشکند کې د مشترک‌المنافع هېوادونو رېلي ترانسپورټ شورا په ۸۱مه غونډه کې ګډون کړی دی.

د راپورونو له مخې، د اسپانیا لومړي وزیر د دغه هېواد سېلاب‌ځپلو لپاره ۱۱،۶ میلیارد ډالر ځانګړي کړي دي.

د روسیې بهرنیو چارو وزیر وايي، د امریکا او د دغه هېواد د متحدینو «تهاجمی فعالیت» د ټولې اوراسیا قارې امنیت ګواښي او د ټوټې ټوټې کېدو خطر یې ډېروي.

هرات کې د ایران سرکونسل وایي چې هېواد یې د افغانستان مهم اقتصادي شریک دی او ایران تل د سیمې له هېوادونو سره پراخې اړیکې لرلې دي.

د افغانستان لپاره د ایران سفیر او ځانګړی استازی وايي، که د افغانستان اقتصاد چې څو ښه کېږي، په هماغه اندازه د سیمې پر هېوادونو مثبت اغېز لرلای شي.