عبدالله عزیزي

د کډوالو په چارو کې د ملګرو ملتونو عالي کمېشنر فلیپو ګراندي اعلان کړی چې په ټوله نړۍ کې د جګړې، ځپل کېدو، بې‌وزلۍ او اقلیمي بدلونونو له امله ۱۲۳ میلیون کسان بې‌ځایه شوي دي.

د پاکستان د بهرنیو چارو وزارت اعلان کړی چې د شانګهای د همکارۍ سازمان (SCO) د غړو هېوادونو د استازو ۲۳مه غونډه د اکتوبر په ۱۵مه او ۱۶مه په اسلام‌اباد کې جوړېږي.

رسنیو راپور ورکړی چې د قطر، متحده عربي اماراتو او سعودي عربستان په ګډون عربي هېوادونو له امریکا غوښتي چې د ایران پر نفتي زېرمو د اسرائیل د احتمالي برید مخنیوی وکړي.

امریکایي رسنیو راپور ورکړی چې د دغه هېواد په فلورېډا ایالت کې د میلټون توپان له امله چې له دوړو او خاور سره مل و، تر اوسه ۱۶ کسان مړه شوي دي.

رسنیو راپور ورکړی چې په هایتي کې د «ګرانګ ګریف» په نوم د یوې وسله‌والې ډلې د برید په پایله کې ۷۰ کسان وژل شوي او لسګونه نور ټپیان دي.

د ایران ولسمشر مسعود پزشکیان د سعودي عربستان د بهرنیو چارو له وزیر فیصل بن فرحان سره په لیدنه کې ویلي چې ایران د نظر اختلافاتو لرې کولو غوښتونکی دی او د اسلامي هېوادونو ترمنځ د یو بل پر منلو باور لري.

پاکستاني چارواکو ویلي چې وسله‌والو د بلوچستان ایالت په پنجګور او موسی‌خېلو سیمو کې په دوو بریدونو کې لږ تر لږه اووه کارګر وژلي او ۲۰ نور یې تښتولي دي.

د هند پولیسو اعلان کړی چې د ۵۶۰ ګرام کوکایین او هیرویینو د قاچاق په تور یې دوه افغانان نیولي دي.

د امریکا د سویل – ختیځ په پراخو سیمو کې د «هلن» توپان له امله چې د سختو سېلابونو راوتلو لامل هم شوی، لږ تر لږه ۴۳ کسان مړه شوي دي.

د اسلامي امارت مرستیال ویاند حمدالله فطرت ویلي، افغانستان هېڅ هېواد ته ګواښ نه دی او ا.ا په هېواد کې هېڅ ډلې ته د فعالیت اجازه نه ورکوي.

د ترکمنستان د بهرنیو چارو وزیر رشید مرادوف ویلي چې په سیمه‌ که د امنیت ټینګښت لپاره باید له افغانانو سره مرسته او د دغه هېواد د اقتصاد په بیارغونه کې همکاري وشي.

د احمدفهیم عظیمي کورنۍ وايي چې هغه له نږدې یوه کال وروسته نن سهار له بنده خوشی شو.