عبدالله عزیزي

د ملګرو ملتونو د سرمنشي مرستیاله، امینه محمد افغانستان ته له سفر وروسته ویلي، د دغه هېواد د خلکو وضعیت لپاره د حل‌لارې موندل، د دغه سازمان له اصلي لومړیتوبونو څخه دی.

افغانستان لپاره د اروپایي ټولنې استازولۍ ویلي، د برېښنا نشتوالی، د بانکي نظام بحران، بهر ته د کادرونو تلل او پر ښځو د کار بندیز په دغه هېواد کې د خصوصي سکټور پر وړاندې اساسي ننګونې دي.

په ملګرو ملتونو کې د عربي متحده اماراتو ماموریت د افغانستان په اړه د ملګرو ملتونو امنیت شورا غونډې له جوړېدو خبر ورکړی او ویلي یې دي چې د ملګرو ملتونو د سرمنشي مرستیاله امنه محمد به افغانستان ته د خپل وروستي سفر راپور ورته وړاندې کړي.

د اروپایي ټولنې د بهرني سیاست مشر وایي چې دغه ټولنه له ملګرو ملتونو سره په ګډه د افغانستان له خلکو، په ځانګړي ډول له نجونو او ښځو ملاتړ کوي.

د زده‌کړې نړۍوالې ورځې (د جنورۍ ۲۴مې) په دُرشل کې، د ملګرو ملتونو له ماشومانو د ملاتړ صندوق د زده‌کړو برخې رییس ویلي چې زده کړه امتیاز نه بلکې یو حق دی.

د ملګرو ملتونو سرمنشي انتونیو ګوترش، دې ته په اشارې سره چې په نړۍ کې ۱۱۸.۵ میلیون نجونې له ښوونځي محرومې دي، ویلي چې هیڅ څه له ښوونځیو څخه د نجونو لرې ساتل توجیه کولای نه شي.

کابل (پژواک، ۲۷ مرغومی ۱۴۰۱): د روسیې اینټرفاکس خبري اژانس راپور ورکړی چې اوکراین له افغانستان سره د ۱۶ زره ټن غنمو مرسته کړې ده.

ازبک چارواکي د افغانستان – ازبکستان ګډ بازار د لومړي فاز کار له بشپړېدو خبر ورکوي او وايي، دغه بازار د سوداګریزو اړیکو د پراختیا، افغانانو او د ازبکستان خلکو ته د کاري زمینې برابرولو په موخه جوړ شوی دی.

په افغانستان کې د ملګرو ملتونو د وګړو صندوق ویلي، جاپان د افغانستان روغتیايي سکټور پیاوړتیا په ځانګړې توګه نسايي او ولادي برخه کې د غوره روغتیايي خدماتو وړاندې کولو په موخه، ۱،۳ میلیون امریکايي ډالر مرسته کوي.

د افغانستان مرکزي بانک اعلان کړی چې سبا ۱۴ میلیون امریکايي ډالر د داوطلبۍ له لارې لیلاموي.