قضافي مل

د نورستان امنیتي مسوولین وایي چې د دغه ولایت په وانټ‌وایګل ولسوالي کې د دوو کلیو اوسېدونکو ترمنځ د څرځای پر سر وسله‌واله نښته شوې چې په پایله کې یې دوه کسان وژل شوي او یو بل ټپي دی.

د کونړ د عامې روغتیا ریاست مسوولین وایي، اسعداباد ولایتي روغتون کې یې د لومړي ځل لپاره د پښتورګو، تریخي او مثانې عملیاتو خدمات پیل کړي دي.

د کونړ په نورګل ولسوالي کې د مزار درې سهیل تنګي سیمې اوسېدونکي وایي چې د دې سیمې روغتیایي مرکز له تېرو دوو میاشتو راهیسې د امکاناتو نشتوالي له امله تړل شوی او له حکومته ورته د پاملرنې غوښتنه کوي.

کونړ کې له «المدینه طبي علومو انسټیټیوټ» څخه د ۳۳۷ نجونو په ګډون شاوخوا ۷۵۰ کسانو د یوې غونډې په ترڅ کې د فراغت سندونه ترلاسه کړل.

د کونړ امنیتي مسوولین وایي چې د دغه ولایت په شیګل ولسوالي کې یوې ۱۹ کلنې نجلۍ د ټوپک په وسیله ځان وژلی دی.

ځايي مسوولین وايي، د کونړ په ماڼوګي او نرنګ او د پنجشېر په لومړۍ حصه ولسوالیو کې د ترافیکي پېښو له امله درې کسان مړه او ۷ نور ټپیان شوي دي.

د کونړ د پوهنې ریاست مسوولین وایي، په دغه ولایت کې هغو ماشومانو ته چې ښوونځیو ته لاسرسی نه لري، د بېلابېلو ملي او نړۍوالو همکارو موسسو په همکارۍ سیمه‌ییز ټولګي جوړوي.

د کونړ امنیه قومانداني وايي چې د دغه ولایت په غازي‌اباد ولسوالي کې پر یوه کور تندر لوېدلی چې له امله یې پنځه کسان ټپيان شوي دي.

د کونړ د پوهنې ریاست مسوولین وایي چې د دغه ولایت په سرکاڼو ولسوالي د جګړو له امله تړل شوي دوه ښوونځي بېرته د زده‌کوونکو پر مخ پرانیستل شول.

د کونړ د عامې روغتیا ریاست مسوولین وایي، د دغه ولایت د وګړو شمېر څه باندې یو میلیون کسانو ته رسېږي، خو د وزارت له لوري ورته د شاوخوا نیم میلیون کسانو لپاره امکانات ورکول کېږي.

د کونړ د تخنیکي او مسلکي زده‌کړو امریت له لوري دغه ولایت کې ۱۷۰۰ نظامیانو ته د ادارې او مدیریت برخو کې درې کلنې زده‌کړې ورکول کېږي.

د کونړ د وټه‌پور ولسوالۍ د کرونګ سیمې یو شمېر اوسېدونکي وایي، په سیمه کې یې هیڅ ډول روغتیایي اسانتیاوې نشته او له حکومته غوښتنه کوي چې روغتیایي مرکزونه ورته جوړ کړي.