نورالله ځاځی

د افغانستان د عدلیې وزارت وايي، د دولتي ځمکو د اجارې قانون د اسلامي امارت مشرتابه له لوري له توشېح وروسته په رسمي جریده کې خپور شو.

د کلیو بیارغونې او پراختیا وزارت وايي، زابل او پکتیکا کې د څه باندې ۱۲،۸ میلیون افغانیو په لګښت د اوبو رسولو درې شبکې جوړې او کندهار کې د څه باندې ۴،۵ میلیون افغانیو په لګښت د دوو پراختیايي پروژو چارې پيل شوې.

د ا.ا چارواکو کابل کې یوه غونډه کې د رسنیو پر ملاتړ او پیاوړتیا ټینګار وکړ او  د بهرنیو چارو وزارت سیاسي مرستیال وویل چې «حکومت باید رسنیو ته په وړو، وړو شیانو ستونزې جوړې نه کړي.»

د اوبو او برېښنا وزارت وايي، د روان لمریز کال په اوږدو کې په میدان‌وردګو ولایت کې د نږدې ۶۳ میلیون افغانیو په لګښت د اوبو مهارولو ۱۵ پروژې پلې شوې دي.

د افغانستان برېښنا شرکت وايي چې له ازبکستان سره یې د وارداتي برېښنا تړون د ۲۰۲۵ زېږدیز کال لپاره تمدید کړ.

د افغانستان بانک وایي چې د ۸۴۰ میلیونه او ۶۵۰ زره افغانیو په ارزښت زاړه او له کاره لوېدلي بانک‌نوټونه یې سوځولي دي.

د کلیو بیارغونې او پراختیا وزارت وايي چې په پکتیکا ولایت کې د څه باندې ۲۱ میلیون افغانیو په لګښت د څښاک پاکو اوبو رسولو د اوو شبکو د جوړولو چارې پیل شوې.

د اطلاعاتو او کلتور وزارت نشراتي مرستیال وايي چې له رسنیو سره دې اطلاعاتو ته د لاسرسي او د نورو ستونزو د حل برخه کې همکاري وشي.

د ا.ا مشرتابه د چارو ادارې ریاست د سرپرست په مشرۍ پلاوي ته دنده سپارلې څو په افغانستان کې هغه ناسم دودونه تثبیت کړي چې هم د شریعت له مخې ناروا دي او هم یې خلک له امله ډېرو لګښتونو ته اړ کېږي.

د کابل ښار یو شمېر اوسېدونکي د هوا له ډېرې ککړتیا شکایت کوي او له حکومته غواړي چې د مخنیوي لپاره یې اقدام وکړي خو مسوولین بیا وايي، د یادې ستونزې د حل لپاره یې هلې ځلې پیل کړې دي.

د پېښو پر وړاندې د مبارزې د چمتووالي ملي ادارې او د افغانستان لپاره د ناروې کمېټې ترمنځ د نږدې اووه سوه زره امریکایي ډالرو په ارزښت د ګډو همکاريو هوکړه‌لیک لاسلیک شو.

د لوګر خروار ولسوالۍ د اوبو بند د ساتنې او څارنې د لومړۍ برخې پروژې چارې د نږدې ۳۱ میلیون افغانیو په لګښت بشپړې شوې.