همایون حقبین

د کندوز امنیه قومانداني وايي چې په دغه ولایت کې یوه کس خپل دوه ماشومان وژلي، یو بل ماشوم او مېرمن یې ټپیان کړي دي.

کندوز کې مسوولین وايي چې د روان کال د وري میاشتې له پیله راهیسې د دغه ولایت په درېیو روغتیایي مرکزونو کې د ۳۵۳ روږدو درملنه شوې ده.

د کندوز د کرنې ریاست کې مسوولین وايي، سږ کال په دغه ولایت کې ۱۷۳ ټنه پسته راټوله شوې چې د تېر کال په پرتله نږدې شپږ برابره ډېروالی ښیي.

د کندوز ولايت په ګل‌تپه ولسوالۍ کې د دوو کورنيو ترمنځ دښمني چې يو کس پکې وژل شوى و، ‎د قومي مشرانو او ديني عالمانو په منځګړیتوب پاى ته ورسېده.

د کندوز د کرنې، اوبولګولو او مالدارۍ ریاست مسوولین وايي، سږ کال په دغه ولایت کې ۱۴۵ زره مټریک ټنه هندواڼې ترلاسه شوې چې د تېر کال په پرتله څه باندې ۱۷ سلنه زیاتوالی ښيي.

د کندوز د امام صاحب د تورپي جزیرې اوسېدونکي چې شاوخوا ۱۲۰۰ کورنۍ دي، خپلو ماشومانو ته د رسمي ښوونځي جوړېدو غوښتنه کوي.

د کندوز د انتاني روغتون مسوولین وايي چې له تېرو دوو میاشتو راهیسې په دغه روغتون کې څه باندې ۹۰۰ ناروغان بستر شوي چې له ډلې یې ۱۲ کسان مړه شوي دي.

د کندوز د کرنې ریاست مسوولین وايي، سږ کال په دغه ولایت کې د خټکیو حاصلات ۱۱۸ زره ټنه اټکل شوي چې د تېر کال په پرتله لس سلنه زیاتوالی ښيي.

د کندوز د کار او ټولنيزو چارو رياست مسوولین وايي چې دوی د کارموندنې او د بې‌کارۍ کمولو په موخه ١٨٠ کسانو ته د حرفوي زده‌کړو زمينه برابره کړې ده.

د کندوز د کرنې، اوبولګولو او مالدارۍ رياست مسوولین وايي چې سږ کال په دغه ولايت کې ٢٢٧٧ ټنه شفتالو توليد شوي چې د تېر کال په پرتله لس سلنه زياتوالى ښيي.

د کندوز ځايي مسوولین د شمال‌لوېدیځ زون ولایتونو کې د ټکسي موټرو رنګ بدلولو پروسې د پیل خبر ورکوي او زیاتوي، ټاکل شوې چې په دغو ولایتونو کې شپږ زره ټکسي موټر رنګ شي.

د کندوز سپین‌زر دولتي شرکت مسوولین وايي، له ازبکستان څخه یې لس زره د پولینیا نیالګي د ترویج او نسل اخیستنې په موخه افغانستان ته وارد کړي دي.