همایون حقبین

د تخار امنیه قومانداني وايي چې نامعلومو کسانو د دغه ولایت په مربوطاتو کې یو چیني وګړی وژلی دی.

امنیتي مسوولین وايي چې په لوګر ولایت کې لسګونه میله وسلې ترلاسه شوې او په کندوز کې بیا اووه کسان د عامه نظم د اخلال په تور نیول شوي دي.

کندوز کې د دوو کورنیو ترمنځ څلوېښت کلنه دښمني چې د ځمکې پر سر رامنځته شوې وه، د قومي مشرانو او ځايي مسوولینو په منځګړیتوب پای ته ورسېده.

حکومتي مسوولین وایي، روان کال د هېواد په شمال‌ختیځ کې زون کې د غنمو څه باندې ۲۱ زره تنه اصلاح شوی تخم تولید شوی چې په ټول هېواد کې به یو میلیون  بزګرو ته ووېشل شي.

د کندوز د کلیو پراختیا او بیارغونې ریاست مسوولین وايي چې د دغه ولایت په امام صاحب ولسوالۍ کې د ۹۰ زره ډالرو په لګښت د اوبو رسولو یوه شبکه جوړه او ګټې اخیستنې ته وسپارل شوه.

کندوز کې ځايي چارواکي وايي چې د دغه ولایت په څو ولسوالیو کې د سېلابونو راوتلو له امله دوه زره جریب کرنیزه ځمکه او سلګونه کورونه په بشپړ او قسمي ډول ویجاړ شوي دي.

کندوز کې ځايي چارواکي وايي چې دغه ولایت ته د تاجکستان د وارداتي برېښنا غځېدلی مزی د ۸۰ میلیون افغانیو په لګښت بدلېږي.

د کندوز د سوداګرۍ او پانګونې خونې مسوولین وایي چې تېرو پنځو میاشتو کې د شېرخان‌ بندر له لارې د څه باندې پنځه میلیون ډالرو په ارزښت سوداګریز توکي مرکزي اسیا هېوادونو ته صادر شوي دي.

د کندوز د کرنې ریاست مسوولین وايي، سږکال په دغه ولایت کې ۲۰۰۶ مټریک ټنه انګور تولید شوي چې د تېر کال په پرتله ۹۰ سلنه ډېروالی ښیي.

د افغانستان د کډوالو چارو کې د ملګرو ملتونو عالي کمېشنري وايي چې د کندوز په مرکز کې یوه ښوونځي ته د ۱۶ میلیون افغانیو په لګښت ودانۍ جوړه او ګټې اخیستنې ته وسپارل شوه.

د کندوز سیمه‌ییز مسوولین وايي، درېیو مرستندویه بنسټونو د دغه ولایت په مرکز او یو شمېر ولسوالیو کې د ۷۰۰ سیمه‌ییزو ټولګیو په جوړولو سره ۲۵ زره ماشومانو ته د زده‌کړو زمینه برابره کړې ده.

د کندوز د کرنې ریاست وايي چې سږ کال په دغه ولایت کې څه باندې ۳۴ زره ټنه پیاز ترلاسه شوي چې د تېر کال په پرتله څه باندې ۱۱ سلنه ډېروالی ښيي.