يوسف ظریفي

د ترانسپورټ او هوايي چلند وزارت وايي، له پاکستان سره يې د «تاد» په نوم يو تړون لاسلیک کړی چې له مخې يې دواړو هېوادونو ته د سوداګريزو لاريو د تګ راتګ اجازه ترلاسه شوې ده.

په ننګرهار ولایت کې د پوهنې وزارت د اسلامي زده‌کړو معینیت تر چتر لاندې د ښوونکو د مسلکي پراختيا ادارې فعالیت پيل کړ.

د ننګرهار امنیه قومانداني وايي چې د دغه ولایت د سره‌رود ولسوالۍ اړوند په رینګ‌روډ سیمه کې د ترافيکي پېښې له امله د درېیو ښځو په ګډون پنځه کسان مړه او درې نور ټپیان شوي دي.

د ننګرهار د کرنې رياست وايي چې له باغدارۍ سره د خلکو لېوالتیا ډېره شوې او یوازې سږ کال په دغه ولایت کې پر نږدې ۸۰۰ جريب ځمکه بېلابېل باغونه جوړ شوي دي.

ننګرهار کې حکومتي سرچینې وايي، په تېر نظام کې د دغه ولایت د ترانسپورت رييس د شخصي دښمنۍ له امله وژل شوی دی.

د ننګرهار سوداګرۍ خونه وايي، خيبر پښتونخوا کې د ځايي قومي خلکو د اعتراض له امله له تېرې شاوخوا يوې اونۍ راهیسې د تورخم – پېښور لویه لاره تړل شوې او د افغان سوداګرو شاوخوا ۲۰۰۰ بار لارې بندې پاتې دي.

د ننګرهار کانال رياست وايي، وروستيو ورښتونو او طبيعي افتونو د دې ادارې اړوند خرما بڼ ۹۸ سلنه حاصلات له منځه وړي دي.

د ننګرهار عامې روغتیا ریاست وايي چې په ختیځ زون کې ۱۶۰۰ کسان د تلسیمیا پر ناروغې اخته دي، بلخوا دغه ناروغان له ځوانانو د وینې او له حکومته د درملنې برخو کې د مرستې غوښتنه کوي.

د ننګرهار امنيې قوماندانۍ له لوري په خوږياڼو او شېرزادو ولسواليو کې ۴۱ جريب د بنګو فصلونه له منځه یووړل شول.

ننګرهار کې مسوولین وایي چې په دغه ولايت کې یې د وحشي ژوو او مرغانو پر ښکار بنديز لګولی او که هر څوک سرغړونه وکړي قانوني چلند به ورسره وشي.

د ننګرهار امنیه قومانداني وایي، د دغه ولایت په بټي‌کوټ ولسوالۍ کې د دوو کورنيو ترمنځ شخړه کې درېيو کسانو ته مرګ‌ژوبله اوښتې ده.

د ننګرهار اور وژنې او اطفایې مديريت مسوولین وايي، روان کال په دغه ولايت کې د اور لګېدنې ۹۱ پېښې رامنځته شوې دي چې خلکو ته په کې شاوخوا ۴۵ ميليونه افغانۍ زيان اوښتی دی.