یوسف ظریفي

د ننګرهار په مرکز جلال‌اباد ښار کې د پهلوانۍ فدراسيون له لوري د ۴۰۰ لوبغاړو ترمنځ د پهلوانۍ سيالۍ پيل شوې.

د ننګرهار کډوالو چارو رياست وايي، که څه هم اوس‌مهال له پاکستانه د کډوالو راتګ کم شوی خو په عمري لنډمهالي پنډغالي کې د راستنېدونکو کډوالو لپاره ټول امکانات برابر شوي دي.

د ننګرهار د پوهنې رياست وايي، د افغان ترک لېسو ادارې له لوري د دغه ولایت د مرکز جلال‌اباد ښار د افغان ترک لېسې ابتداییه څانګه هم پرانیستل شوه.

د ننګرهار ولايتي ادارې او سوداګرۍ وزارت په دغه ولایت کې د سوداګرو د ستونزو د حل لپاره په ګډه ځانګړې کمېټه جوړه کړه.

د ننګرهار امنیه قومانداني وايي چې په جلال‌اباد ښار او ولسوالیو کې ۳۷۰ کیلوګرامه نشه‌یي توکي کشف او ترلاسه شوي او په تړاو یې شپږ کسان هم نیول شوي دي.

د ننګرهار عامې روغتيا ریاست وايي چې په تېرو نږدې اووه میاشتو کې په ۲۵ لویو پېښو کې ۱۹۱۴ کسان د سکبیس پر ناروغۍ اخته شوي دي.

د کډوالو او راستنېدونکو چارو وزارت وایي چې د وروستي توپان له امله د تورخم اړوند عمري لنډمهالي کمپ ډېر زیان لیدلی چې د بیا اساسي جوړولو لپاره یې هڅه کېږي.

ننګرهار کې سیمه‌ییز مسوولین وايي، د دغه ولایت په تورخم ښارګوټي کې یې پاکستان ته د ۴۰ زره او ۴ سوه او ۷۵ امريکايي ډالرو د قاچاق مخه نیولې او په تړاو یې دوه کسان هم نیول شوي دي.

د نورستان په مرکز پارون کې د یوې کښتۍ ډوبېدو له امله یو کس مړ شوی دی.

د ننګرهار د عامې روغتيا ریاست وايي چې ترکي ډاکټرانو د دغه ولایت په شینوارو ولسوالۍ کې د ۳۱۰ کسانو د سترګو وړیا عملیات کړي دي.

سېمه‌ییز چارواکي وایي، د ننګرهار ولایت ګوشتې ولسوالۍ کې د سیند اوبو ډېرېدو له امله ۴۰ کورونه تخریب شوي او سلګونه جریبه ځمکه کې یې ولاړ کښتونه له منځه وړي دي.

سېمه‌ییز چارواکي وايي، د پاکستان له لوري د تورخم دروازه د غویي له ۲۷ مې تر ۲۹ د مسافرو او ناروغانو پر مخ تړل کېږي خو د ټرانزیټ پر مخ خلاصه وي.