احمدصهیب حسرت

په افغانستان کې د بې‌پولې ډاکټرانو مشر د بهرنیو چارو وزارت له مرستیال سره لیدنه کې ویلي چې روان کال یې په هېواد کې ۷۰۰ زره کسانو ته په بېلابېلو برخو کې روغتیایي خدمتونه وړاندې کړي دي.

د امریکا متحده ایالتونو بهرنیو چارو وزارت په یوه ستراتیژیک سند کې راغلي چې دغه هېواد په افغانستان کې د کونسلي خدمتونو د پیل لپاره هڅې کوي خو د دغه وزارت یوه ویاند ویلي چې په لنډ وخت کې داسې کوم پلان نشته.

د صنعت او سوداګرۍ سرپرست وزیر په کابل کې د ترکیې له سفیر سره په لیدنه کې پر دوه اړخیزې سوادګرۍ او افغان سوداګرو ته د ویزو ورکولو برخه کې د لازمو اسانتیاوو پر برابرولو خبرې کړې دي.

د کانونو او پټرولیم وزارت وایي، یوه روسي پانګوال د افغانستان د نفرایټ، لاجورد او مرمر کانونو برخه کې د پانګونې او ګډو استخراجي شرکتونو جوړولو لپاره لېوالتیا ښودلې ده.

د صنعت او سوداګرۍ وزارت سرپرست، د یاد وزارت ولایتي استازو ته د یوه روزنیز سیمینار پای‌غونډه کې ویلي، د خلکو لپاره باید تر رسمیاتو هم ډېر کار وکړي او د صنعت برخه کې دې په ولایتي واحدونو کې لا ډېرې اسانتیاوې رامنځته شي.

له ایرانه د افغان زندانیانو د رالېږد کمېسیون معلوماتو له مخې، دا مهال په دغه هېواد کې شاوخوا پنځه زره افغانان د بېلابېلو جرمونو په تور بندیان دي.

د «ثمر ژبپوهنې نړۍواله موسسه» د اطلاعاتو او فرهنګ له وزارت سره د هوکړې له مخې په څلورو ولایتونو کې د اوو درېیمو ژبو د ودې او پراختیا لپاره کار کوي او کړنې یې یاد وزارت څاري.

د عدلیې وزارت وایي، په تېره یوه میاشت کې یې د هېواد په اوو ولایتونو کې څه باندې ۱۴۳ زره جریبه امارتي ځمکه له څېړنو او تثبیت وروسته اړوندو ادارو ته سپارلې ده.

د مالیې وزارت وایي، د کابل مرکزي سېلو دولتي شرکت د روان کال له پیله راهیسې د خپلو فعالیتونو لا پراختیا په موخه له ۱۴ دولتي او خصوصي ادارو سره د څه باندې ۴۴ میلیون افغانیو په ارزښت قراردادونه لاسلیک کړي دي.

د کابل امنیه قومانداني وایي، د کابل ښار درېیمې امنیتي حوزې اړوند سیمه کې یې اته کسان د کا او ذیکب له څه باندې ۴۳۵۰۰ ټابلیټونو سره نیولي دي.

د دفاع وزارت سرپرست وایي، په تېرو څه باندې دوو کلونو کې په افغانستان کې په شوو بریدونو کې له بهرنیو، په ځانګړېتوګه د تاجکستان او پاکستان له اتباعو کار اخیستل شوی چې لسګونه یې وژل شوي او نیول شوي دي.

د برېښنا ریاست وایي چې د نغلو د برېښنا تولید فابریکې دویم ټوربین له اساسي رغونې وروسته بېرته فعال کړی او د دغه ټوربین برېښنا یې له شبکې سره وصل کړې ده.